გორის რაიონულმა სასამართლომ 19 წლის ერეკლე თედლიაშვილის გარდაცვალების საქმეზე ბრალდებული საქართველოს მოკრივეთა ახალგაზრდული ნაკრების ყოფილი წევრი, თარაშ კანდელაკი ჯანმრთელობის განზრახ მძიმე დაზიანების ნაწილში გაამართლა. მოსამართლე გერმანე დადეშქელიანის გადაწყვეტილებით, თარაშ კანდელაკს, რომელიც კრივში მსოფლიო ჩემპიონის, გიორგი კანდელაკის შვილია, სასჯელის სახით 8 თვითა და 25 დღით თავისუფლების აღკვეთა შეეფარდა. მას სასჯელის მოხდაში წინასწარ პატიმრობაში ყოფნის დრო ჩაეთვალა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
პროკურატურა განაჩენის გასაჩივრებას აპირებს. მოსამართლის გადაწყვეტილებას არ ეთანხმებიან გარდაცვლილის მშობლებიც.
„მაშინ ვინ მოკლა ჩემი შვილი? ვინ დაარტყა? ვინ სცემა? მე სასამართლოსგან ვერ გავიგე, რამ გამოიწვია ერეკლე თედლიაშვილის ასეთი ტრავმა. თუ თარაშმა არ დაარტყა, მაშ ვინ დაარტყა? სასამართლომ ამ კითხვაზე პასუხი ვერ გამცა“, - განაცხადა გარდაცვლილის მამამ, ირაკლი თედლიაშვილმა.
ერეკლე თედლიაშვილს სამი წლის წინ, 2020 წლის ივნისში, გორში, სტალინის ქუჩაზე, გიორგი კანდელაკის რესტორან „ჟოზეფთან“ სცემეს. მიყენებული დაზიანებების გამო ის კომაში იყო და სამი თვის შემდეგ გარდაიცვალა.
ახალგაზრდის ცემისთვის 1998 წელს დაბადებული თარაშ კანდელაკი დააკავეს. გამოძიებამ დაადგინა, რომ ნასვამ მდგომარეობაში მყოფმა კანდელაკმა შელაპარაკებისას, ხელის დარტყმით დაზარალებულს თავის არეში სხეულის მძიმე, სიცოცხლისთვის სახიფათო დაზიანება მიაყენა. პროკურატურამ მას ბრალი სისხლის სამართლის კოდექსის 117-ე მუხლის პირველი ნაწილით წარუდგინა, რაც სიცოცხლისთვის სახიფათო ჯანმრთელობის განზრახ მძიმე დაზიანებას გულისხმობს და 4-დან 7 წლამდე თავისუფლების აღკვეთით ისჯება. დაკავების შემდეგ, გორის რაიონულმა სასამართლომ თარაშ კანდელაკს აღკვეთის ღონისძიების სახით პატიმრობა შეუფარდა, რომლის ვადა 2021 წლის მარტში ამოეწურა და გათავისუფლდა.
მოსამართლე გერმანე დადეშქელიანმა საქმეზე განაჩენი 2023 წლის 15 ივნისს გამოაცხადა. მან პროკურატურის მიერ წარდგენილი ბრალდება ნაკლებად მძიმე დანაშაულზე - სისხლის სამართლის კოდექსის 126-ე მუხლის პირველ ნაწილზე (ძალადობა, რამაც დაზარალებულის ფიზიკური ტკივილი გამოიწვია) გადააკვალიფიცირა.
