თბილისის საქალაქო სასამართლოს მოსამართლე ნინო ენუქიძემ ექიმი ვაჟა გაფრინდაშვილი სამართალდამრღვევად ცნო და ჯარიმის სახით 500 ლარის გადახდა დააკისრა. შინაგან საქმეთა სამინისტრო გაფრინდაშვილს 27 დეკემბრის საპროტესტო აქციაზე გზის გადაკეტვას ედავებოდა.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 ვინ არის ბათუმის საქალაქო სასამართლოს მოსამართლე ნინო სახელაშვილი
- 3 მოსკოვი მზადაა, რუსეთ-საქართველოს „ურთიერთობების ნორმალიზაცია“ გააგრძელოს
- 4 ბაკურციხე-თბილისის გზაზე ავტოავარიის შედეგად ოთხი ადამიანი დაიღუპა
- 5 „შერატონის“ მენეჯერის თქმით, ქორიძესა და გახარიაზე თავდასხმის ჩანაწერები შსს-ს ჯერ არ ამოუღია
- 6 „ბო*იშვილი ვიყო, სისხლით დავიჭერ“ - ბათუმის პოლიციის უფროსი ირაკლი დგებუაძე მზია ამაღლობელზე
თავად ვაჟა გაფრინდაშვილი ირწმუნება, რომ იმ დროს [20:17 სთ], როდესაც შინაგან საქმეთა სამინისტროს სამართალდარღვევის ოქმია შედგენილი, რუსთაველის გამზირზე საერთოდ არ იყო და სანაპიროზე „მაკდონალდსში“ იმყოფებოდა.
გაფრინდაშვილმა პროცესზე მოსამართლე ნინო ენუქიძის აცილება მოითხოვდა, ვინაიდან ის სანქცირებულია და გადაწყვეტილებების 100% „ქართული ოცნების“ სასარგებლოდ აქვს მიღებული. მოსამართლემ ეს შუამდგომლობა არ დააკმაყოფილა.
ვაჟა გაფრინდაშვილი ამბობს, რომ ჯარიმის გადახდას არ აპირებს და ნინო ენუქიძის გადაწყვეტილებას ზედა ინსტანციაში გაასაჩივრებს.
75-ე დღეა, საქართველოში უწყვეტი საპროტესტო აქციები იმართება ახალი საპარლამენტო არჩევნების ჩატარებისა და უკანონოდ დაკავებული დემონსტრანტების გათავისუფლების მოთხოვნით. მიმდინარე სამოქალაქო პროტესტის ფონზე, „ქართული ოცნების“ პარლამენტმა არერთი საკანონმდებლო ცვლილება მიიღო, რომელიც შეკრებისა და გამოხატვის თავისუფლებას ზღუდავს.
