მცხეთის რაიონში, მუხრანის მოხუცთა პანსიონატში გაჩენილი ხანძრის შედეგად ორი ხანდაზმული დაიღუპა, ორი კი დაშავდა. შემთხვევა წუხელ მოხდა. შპს „მუხრანის სავანის“ თანამშრომლის ინფორმაციით, ხანძარი ერთ-ერთი ბენეფიციარის ოთახში გაჩნდა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 3 სად გაიხსნება დამატებითი საარჩევნო უბნები საზღვარგარეთ
- 4 გახარიამ ჩორჩანაში საგუშაგო დადგა, მიზანი შეიარაღებული დაპირისპირების გამოწვევა იყო - მდინარაძე
- 5 სასამართლომ „ოცნების“ კლიპის არგაშვების გამო „მთავარი“, „პირველი“ და „ფორმულა“ დააჯარიმა
- 6 „ქართული ოცნების“ სარეკლამო კლიპის გადაღების შემდეგ JWT Metro-ს თანამშრომლები ტოვებენ
პანსიონატის თანამშრომელი დეტალებზე საუბარს თავს არიდებს. „საქართველოს ამბებს“ მან უთხრა, რომ კომენტარს ვერც დაწესებულების ხელმძღვანელი ნაირა დოლიძე გააკეთებს, რადგან შოკურ მდგომარეობაშია და სახლში ექიმების მეთვალყურეობის ქვეშა იმყოფება.
მომხდართან დაკავშირებით ინფორმაცია სახელმწიფო ზრუნვის სააგენტომ გაავრცელა. უწყების განცხადებაში ნათქვამია, რომ დაშავებული მოხუცები სამედიცინო დაწესებულებაში არიან გადაყვანილები და ისინი ჯანდაცვის მინისტრმა, მხიეილ სარჯველაძემ მოინახულა.
„მუხრანის თავშესაფრის ყველა ბენეფიციარმა გაიარა შესაბამისი შემოწმება და გადაყვანილები არიან სხვადასხვა თავშესაფარში, სადაც ყველა საჭირო სერვისით არიან უზრუნველყოფილნი.
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო და სახელმწიფო ზრუნვის სააგენტო ღრმა მწუხარებას გამოთქვამს მომხდარი ტრაგიკული შემთხვევის გამო, სამძიმარს უცხადებს გარდაცვლილთა ოჯახის წევრებსა და ახლობლებს“, - ვკითხულობთ სააგენტოს განცხადებაში.
მომხდართან დაკავშირებით გამოძიება მიმდინარეობს.
