პატიმრობაში მყოფ ქართველ ჟურნალისტს, „ბათუმელები/ნეტგაზეთის“ დამფუძნებელ მზია ამაღლობელს „თავისუფალი მედიის ჯილდო“ (Free Media Award) გადაეცა. დაჯილდოების ღონისძიება 6 ნოემბერს, გერმანიის ქალაქ ჰამბურგში გაიმართა.
ახალი ამბები
მკითხველის რჩეული
- 1 ნარკოტიკების ზედოზირებას თბილისში კიდევ 3 ახალგაზრდა ემსხვერპლა
- 2 ვლადიკავკაზში ქორწილის მონაწილეები საქართველოს დროშების გამოყენებისთვის დააპატიმრეს
- 3 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 4 პანკისში მალხაზ მაჩალიკაშვილის ავტომობილი დააზიანეს
- 5 გიგა ავალიანის საქმე: დემეტრე ჩიქოვანს 9 წელი და 9 თვე, ანი ნასყიდაშვილს 5 წელი და 3 თვე მიესაჯა
- 6 6 პოლიციელი დააკავეს გორში მოქალაქეებზე ძალადობის ბრალდებით
ორი ევროპული ფონდის, ნორვეგიული The Fritt Ord Foundation-ისა და გერმანული The Zeit Stiftung Bucerius-ის მიერ დაწესებული „თავისუფალი მედიის ჯილდო“ 2004 წლიდან ყოველწლიურად გაიცემა და დამოუკიდებელი ჟურნალისტიკის გაძლიერებას ისახავს მიზნად.
Fritt Ord Foundation და ZEIT Stiftung Bucerius აღნიშნავენ, რომ მზია ამაღლობელი საქართველოში დამოუკიდებელი ჟურნალისტიკის სახე გახდა. მან „თავისუფალი მედიის ჯილდო“ ჟურნალისტური პატიოსნებისა და ეთიკური განსჯისადმი 25 წლიანი ერთგულებისთვის მიიღო.
„ბათუმელები“ ავრცელებს მზია ამაღლობელის გზავნილს, რომელიც მისმა კოლეგებმა ჯილდოს მიღების დროს წაიკითხეს:
„მინდა იცოდეთ, რომ ეს პრიზი მარტო მე კი არა, ეკუთვნის ჩემს კოლეგებს, ყველა იმ ქართველ ჟურნალისტს, რომლებიც რეპრესიების პირობებში იცავენ და იბრძვიან სიტყვის თავისუფლებისთვის“.
მზია ამაღლობელის გარდა, 2025 წელს „თავისუფალი მედიის ჯილდო“ ასევე მიიღეს შემდეგმა გამოცემებმა და ჟურნალისტებმა:
- მედია პლატფორმა Gwara Media (უკრაინა)
- საგამოძიებო ონლაინმედია Direkt36 (უნგრეთი)
- ფოტოგრაფი და ფოტოჟურნალისტი ალექსანდრა ასტახოვა (რუსეთი)
- მედია არხი Belarus Investigative Center (ბელარუსი)
- ჟურნალისტი ნარგიზ აბსალამოვა (აზერბაიჯანი)
მზია ამაღლობელს, რომელიც ათი თვეა უკანონო პატიმრობაში იმყოფება, ცოტა ხნის წინ ევროკავშირის ადამიანის უფლებათა უმაღლესი ჯილდო - სახაროვის პრემია და მსოფლიო პრესის თავისუფლების გმირის ჯილდო გადაეცა.
