ჩრდილოატლანტიკური ხელშეკრულების ორგანიზაციის (NATO) შემდეგი გენერალური მდივანი ნიდერლანდების პრემიერ-მინისტრი მარკ რუტე იქნება. ის ამ თანამდებობაზე იენს სტოლტენბერგს შეცვლის.
ახალი ამბები
მკითხველის რჩეული
- 1 „ამომრჩევლის ირიბი მოსყიდვაა“ - პრეზიდენტმა ამნისტიის კანონს ხელი მოაწერა
- 2 ილიას სახელმწიფო უნივერსიტეტს ავტორიზაცია ერთი წლის თავზე მონიტორინგის პირობით მიანიჭეს
- 3 მოვუწოდებთ საერთაშორისო მისიებს, 26 ორგანიზაციის ინფორმაცია არ გაითვალისწინონ - მიქანაძე
- 4 „ოკუპაციაზე ხომ ვისაუბრე?!“ - კობახიძე კითხვაზე, რატომ არ ახსენა გაეროში რუსეთი
- 5 სასამართლომ გორში დაკავებული ბიზნესმენი იოსებ ბაბაევი სამართალდამრღვევად ცნო
- 6 სოხუმის დაცემიდან 31 წელი გავიდა
20 ივნისს მარკ რუტეს მხარი ალიანსის 32-ვე წევრმა დაუჭირა. მისმა ერთადერთმა კონკურენტმა, რუმინეთის პრეზიდენტმა კალუს იოჰანსონმა სამხედრო ალიანსს აცნობა, რომ საკუთარი კანდიდატურა მოხსნა.
მარკ რუტეს თანამდებობაზე ოფიციალურად ივლისში, ვაშინგტონში გასამართ ნატოს სამიტზე დაამტკიცებენ, უფლებამოსილების შესრულებას კი ოქტომბრიდან დაიწყებს. 1-ელ ოქტომბერს იენს სტოლტენბერგს თანამდებობაზე ყოფნის ვადა ამოეწურება.
„დიდი პრივილეგია იყო ნატოს გენერალური მდივნის თანამდებობაზე მუშაობა, განსაკუთრებით ნატოსთვის ამ გადამწყვეტ და მნიშვნელოვან კრიტიკულ დროს. პატივი იყო ნატოს ყველა მოკავშირეთან მუშაობა, მაგრამ ყველაფერს უნდა ჰონდეს დასასრული და ჩემი უფლებამოსილება პირველ ოქტომბერს სრულდება. მე ვტოვებ თანამდებობას, რადგან ვიცი, რომ ალიანსი ახლა ძალიან, ძალიან ახლოს არის ჩემი შემცვლელის შესახებ გადაწყვეტილებასთან. კანდიდატი არის მარკ რუტე. ის არის დიდი ადამიანი, მრავალი წელია პრემიერ-პინისტრია, მტკიცედ სჯერა ტრანსატლანტიკური კავშირის. ის მეგობარი და კოლეგაა. ასე რომ, ნატო ძალიან კარგ ხელში იქნება“, - განაცხადა სტოლტენბერგმა 19 ივნისს.
57 წლის მარკ რუტე 14 წელია ნიდერლანდების პრემიერ-მინისტრის თანამდებობას იკავებს. 2006-დან 2023 წლამდე, ის „სახალხო პარტია თავისუფლებისა და დემოკრატიისთვის“ (VVD) ლიდერი იყო. VVD ევროპარლამენტში „განაახლე ევროპის“ (Renew Europe) პოლიტიკური ჯგუფის წევრია, რომელმაც ახლახანს ჩატარებული არჩევნების შედეგად 80 მანდატი მოიპოვა და პარლამენტში მესამე ძალა გახდა.