„ფორმულას“ და „მთავარის“ ეგზიტპოლით არჩევნებს ოპოზიცია იგებს, „იმედის“ თანახმად - „ოცნება“

Edison Research-ის მეშვეობით ჩატარებული ეგზიტპოლის მიხედვით, რომელიც ტელეკომპანია „ფორმულამ“ გამოაქვეყნა, საპარლამენტო არჩევნებში ოთხი ოპოზიციური პარტიის მიერ მიღებული ხმების რაოდენობა მმართველი პარტიისას აჭარბებს. უფრო ზუსტად, „ქართულ ოცნებას“ 40.9% აქვს, ხოლო ოპოზიციურ პარტიებს, რომლებმაც ბარიერი გადალახეს, ჯამში, 51.9%:

• „ერთიანობა - ნაციონალური მოძრაობა“ – 7%;
• „კოალიცია ცვლილებისთვის“ – 16.7%;
• „ძლიერი საქართველო“ – 10.3%;
• „გახარია - საქართველოსთვის“ – 8.2%.

ამავე ეგზიტპოლის თანახმად, 5%-იანი საარჩევნო ბარიერი ვერ გადალახეს „პატრიოტთა ალიანსმა“ (2%), „გირჩმა“ (2.3%) და „ლეიბორისტულმა პარტიამ“ (2%).

„მთავარი არხის“ დაკვეთით ეგზიტპოლი HarrisX-მა ჩაატარა. შედეგების მიხედვით, ხმები შემდეგნაირად გადანაწილდა:

• „ქართულ ოცნება“ – 42%
• „ერთიანობა - ნაციონალური მოძრაობა“ – 13%
• „კოალიცია ცვლილებისთვის“ – 18%
• „ძლიერი საქართველო“ – 9%
• „გახარია საქართველოსთვის“ – 8%

„მთავარი არხის“ თანახმად, დანარჩენი პროცენტული მაჩვენებლები სხვა პარტიებზე ნაწილდება, რომლებიც ბარიერს ვერ ლახავენ.

ტელეკომპანია „იმედის“ ეგზიტპოლი „გორბმა“ ჩაატარა და მისი შედეგები ასეთია:

• „ქართული ოცნება“ – 56.1%
• „ერთიანობა - ნაციონალური მოძრაობა“ – 11.6%
• „კოალიცია ცვლილებისთვის“ – 12.6%
• „ძლიერი საქართველო“ – 7%
• „გახარია საქართველოსთვის“ – 4.8%
• „გირჩი“ – 3%
• „პატრიოტთა ალიანსი“ – 2.2%
• სხვა – 2.7%

მოსალოდნელია, რომ საქართველოს ცენტრალური საარჩევნო კომისია არჩევნების ოფიციალურ წინასწარ შედეგებს 22:00 საათისთვის გამოაქვეყნებს.