თელავის რაიონულმა სასამართლომ ყვარლის მუნიციპალიტეტის მერის მოადგილე ლევან გელაძეს, საკრებულოს თავმჯდომარე გივი ზაუტაშვილსა და მის ძმას, ნიკა ზაუტაშვილის აღკვეთის ღონისძიების სახით 5-5 ათასი ლარის ოდენობით გირაო შეუფარდა.
ახალი ამბები
მკითხველის რჩეული
- 1 დააკავეს „ქართული ოცნების“ მხარდამჭერი მანანა გიორგობიანი
- 2 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 3 ბერლინში მოკლული ზელიმხან ხანგოშვილის ძმას და ნათესავებს გერმანია დაატოვებინეს
- 4 ღარიბაშვილის, ლილუაშვილის და ფარცხალაძის სახლებში ჩხრეკა ჩატარდა
- 5 დააკავეს სუს-ის ყოფილი უფროსის, გრიგოლ ლილუაშვილის ნათესავი ანდრია ლილუაშვილი
- 6 1 ნოემბრიდან საჯარო მოხელეებისთვის შეთავსებით ანაზღაურებადი სამუშაო იზღუდება
მოსამართლე მამუკა წიკლაურის გადაწყვეტილებით, ძალადობაში ბრალდებული სამივე პირი სასამართლო დარბაზიდან გათავისუფლდა.
„ცხოვრებაში რაც ხდება ხოლმე, ეგ მოხდა. არაფერი არ მომხდარა განსაკუთრებული. საერთოდ არ გვქონია დაპირისპირება“, – განაცხადა ლევან გელაძემ გათავისუფლების შემდეგ.
გელაძემ უარყო, რომ მასსა და ძმებ ზაუტაშვილებს შორის დაპირისპირება თანამდებობის გადანაწილებასთან დაკავშირებით მოხდა. მისი თქმით, ეს „იმათი მოგონილია, ვინც სიბინძურეს იგონებენ ხოლმე“.
ლევან გელაძე, გივი და ნიკა ზაუტაშვილები პოლიციამ 10 ნოემბერს დააკავა. საქმე ეხება 8 ნოემბერს, „ილიაობა 2025“-ის აღნიშვნის შემდეგ მომხდარ დაპირისპირებას.
პროკურატურის განცხადებით, გამოძიებით დადგინდა, რომ ყვარლის მუნიციპალიტეტის მერის მოადგილემ, ლევან გელაძემ ფიზიკური შეურაცხყოფა მიაყენა საკრებულოს თავმჯდომარის ძმას, ნიკა ზაუტაშვილს, რის შემდეგაც, დროის მოკლე პერიოდში, გივი და ნიკა ზაუტაშვილებმა ჯგუფურად ფიზიკურად იძალადეს ლევან გელაძეზე.
გივი და ნიკა ზაუტაშვილებს ბრალად ჯგუფური ძალადობა ედებათ, რაც ორ წლამდე თავისუფლების აღკვეთით ისჯება, ლევან გელაძე კი ძალადობის ორ ეპიზოდზეა ბრალდებული და ერთ წლამდე თავისუფლების აღკვეთა ემუქრება. აღნიშნული დანაშაულისთვის ალტერნატიულ სასჯელებად გათვალისწინებულია ჯარიმა და საზოგადოებისთვის სასარგებლო შრომა.
