„ქართული ოცნების“ დამფუძნებელი და საქართველოს ყოფილი პრემიერ-მინისტრი ბიძინა ივანიშვილი აცხადებს, რომ ის ფაქტობრივად სანქცირებულია მას შემდეგ, რაც რუსეთმა ურაინაში ომი დაიწყო.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
„ჩემმა ადვოკატებმა რამდენჯერმე თქვეს, რომ მე უკვე სანქცირებული ვარ. რეალურად სანქცირებული ვარ დე ფაქტო, ყველაზე უხეში მეთოდებით, უხეში გზებით, კანონის გზების ავლით.
რაც დაიწყო უკრაინის ომი, იქიდან ერთ თვეში რეალურად ყველა აქტივი გამიჩერეს და სასამართლოებში მატარებენ. რეალურად სანქცირებული ვარ და ამიტომ, ოპოზიცია ტყუილად ღელავს და ღია კარებს ამტვრევს, დაასანქცირეთ, დაასანქცირეთო.
დასანქცირებული ვარ, მაგრამ ძალიან კარგად ვარ, ყველაფერი საკმარისად მაქვს. ნახეთ, პოლიტიკაშიც დავბრუნდი რომ ქვეყანას დავეხმარო“,- უთხრა ივანიშვილმა მედიას „ქართული ოცნების“ ყრილობის შემდეგ.
30 დეკემბერს ბიძინა ივანიშვილმა განაცხადა, რომ პოლიტიკაში კიდევ ერთხელ ბრუნდება. პარტიის ყრილობაზე მან თქვა, რომ „ქართული ოცნების“ საპატიო თავმჯდომარე იქნება. ივანიშვილმა პოლიტიკაში დაბრუნების მიზეზად დაასახელა, რომ დღეს საქართველო რთული გამოწვევების წინაშე დგას და მცირე შეცდომაც კი ხელისუფლების მხრიდან, ქვეყანას შეიძლება ძალიან ძვირად დაუჯდეს. მისივე თქმით, როცა ოპოზიცია სრულად განადგურებულია, მმართველ გუნდში რისკები იზრდება, მათ შორის, კორუფციის და ის სიმძიმის ცენტრის მისიას შეასრულებს.
კითხვაზე, პოლიტიკაში დაბრუნების გადაწყვეტილების მიზეზი საერთაშორისო სანქციების შიში ხომ არ გახდა, ივანიშვილმა უპასუხა: „არ მაქვს მაგის შიში იმიტომ, რომ სანქცირებული ვარ დიდი ხანია და ღია კარებს რატომ ამტვრევთ? დადგება დრო და მეც საჯაროდ გამოვალ და უფრო მეტს ვეტყვი საზოგადოებას. დღეს პოლიტიკური მიზანშეწონილობიდან გამომდინარე ამაზე მეტის თქმას საჭიროდ არ ვთვლი“.
ივანიშვილმა განმარტა, რომ არ იქნება პრემიერ-მინისტრობის კანდიდატი და მთავრობაში ცვლილებები არ იგეგმება.
