ამერიკის შეერთებული შტატების საერთაშორისო განვითარების სააგენტოს (USAID) პროგრამების 83% დაიხურება. ამის შესახებ სახელმწიფო მდივანმა, მარკო რუბიომ 6-კვირიანი შემოწმების შემდეგ განაცხადა.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 4 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 5 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 6 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
„5200 კონტრაქტით, რომელიც ახლა გაუქმებულია, დაიხარჯა ათობით მილიარდი დოლარი, რაც არ ემსახურებოდა (და ზოგიერთ შემთხვევაში ზიანს აყენებდა) შეერთებული შტატების მთავარ ეროვნულ ინტერესებს“, - დაწერა რუბიომ პლატფორმა X-ზე.
მისივე თქმით, სახელმწიფო დეპარტამენტი კონგრესთან კონსულტაციის შემდეგ აპირებს, უფრო ეფექტიანად მართოს დარჩენილი, დაახლოებით, 1000 პროგრამა.
მარკო რუბიომ მადლობა გადაუხადა ილონ მასკის მთავრობის ეფექტურობის დეპარტამენტს (DOGE) და „შრომისმოყვარე თანამშრომლებს“, რომლებმაც „ძალიან ბევრი საათი იმუშავეს ამ დაგვიანებული და ისტორიული რეფორმის განსახორციელებლაd“.
აშშ-ის პრეზიდენტმა, დონალდ ტრამპმა 20 იანვარს, პრეზიდენტის თანამდებობის მეორედ დაკავებისთანავე, გამოსცა აღმასრულებელი განკარგულება, რომლითაც USAID-ის საგარეო დახმარება 90 დღით შეჩერდა, რათა შემოწმებულიყო მისი პროგრამული ეფექტურობა და შეფასებულიყო შეერთებული შტატების საგარეო პოლიტიკასთან შესაბამისობა.
USAID 1961 წელს, პრეზიდენტ ჯონ კენედის ადმინისტრაციის დროს დაფუძნდა და ჰუმანიტარულ პროგრამებს მთელს მსოფლიოში აფინანსებდა. 2025 წელს საგარეო დახმარების ბიუჯეტი 42.8 მილიარდი დოლარი უნდა ყოფილიყო. ტრამპი მიიჩნევს, რომ საგარეო დახმარების დიდი ნაწილი უსარგებლო იყო და ლიბერალური დღის წესრიგის წინ წაწევას ემსახურებოდა.
