პროსამთავრობო ტელეკომპანია „რუსთავი 2“-ის ყოფილი დირექტორი, ვარლამ (ვაკო) ავალიანი კატარში საქართველოს საგანგებო და სრულუფლებიან ელჩად ინიშნება. ავალიანის კანდიდატურა „ქართული ოცნების“ პრემიერ-მინისტრმა, ირაკლი კობახიძემ წარადგინა.
ახალი ამბები
მკითხველის რჩეული
- 1 სტრასბურგის სასამართლომ გელა მთივლიშვილის საქმის არსებითი განხილვა დაიწყო
- 2 გლდანის ციხის ყოფილი დირექტორი დავით გოგობერიშვილი გარდაცვლილი იპოვეს
- 3 კობახიძე: სასურველი არ არის, მოსწავლემ პირველივე კურსიდან უცხოეთში განაგრძოს სწავლა
- 4 ბერლინში მოკლული ზელიმხან ხანგოშვილის ძმას და ნათესავებს გერმანია დაატოვებინეს
- 5 ღარიბაშვილის, ლილუაშვილის და ფარცხალაძის სახლებში ჩხრეკა ჩატარდა
- 6 4 ოქტომბრის საქმეზე დაკავებული 13 პირის ვინაობა ცნობილია
„2025 წლის 10 წოემბრიდან კატარის სანელმწიფოში საქართველოს საგანგებო და სრულუფლებიანი ელჩის თანამდებობაზე საქართველოს პრეზიდენტს დასანიშნად წარედგინოს ვარლამ ავალიანის კანდიდატურა“, – ნათქვამია კობახიძის განკარგულებაში.
ვაკო ავალიანი „რუსთავი 2“-ის და „პრაიმთაიმის“ ჰოლდინგის დირექტორად 2021 წლიდან მუშაობდა და თანამდებობა მიმდინარე წლის ივნისში დატოვა. მანამდე ის ტელეკომპანია „მაესტროს“ აღმასრულებელი დირექტორი იყო.
ყოფილი ჟურნალისტი და პარტია „თავისუფალი დემოკრატების“ სპიკერი, ვარლამ ავალიანი 2012-2014 წლებში საქართველოს მაშინდელი თავდაცვის მინისტრის, ირაკლი ალასანიას მრჩევლის პოზიციას იკავებდა, 2014 წლიდან კი მინისტრის მოადგილე იყო. ის ამ თანამდებობიდან 2014 წლის ნოემბერში, ალასანიასთან ერთად გათავისუფლდა. ავალიანი, თავდაცვის მინისტრის სხვა მოადგილეებთან ერთად, თავდებში უდგებოდა ე.წ. „კაბელების საქმეზე“ დაკავებულ სამინისტროს ხუთ თანამშრომელს.
2016 წელს ვარლამ ავალიანმა საკონსულტაციო კომპანია „ეი ბი სოლუშენი“ დააფუძნა, იყო საპროდიუსერო კომპანია „ეურომედია ჯორჯიას“ გენერალური დირექტორი.
