თბილისის სააპელაციო სასამართლომ დააკმაყოფილა საარჩევნო ადმინისტრაციის საჩივარი და გააუქმა გორის რაიონული სასამართლოს მოსამართლის, ნინო გერგაულის გადაწყვეტილება, რომელითაც საოლქო კომისიას 15 უბნის ბათილი ბიულეტენების ხელახლა გადათვლა დაევალა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 3 სად გაიხსნება დამატებითი საარჩევნო უბნები საზღვარგარეთ
- 4 გახარიამ ჩორჩანაში საგუშაგო დადგა, მიზანი შეიარაღებული დაპირისპირების გამოწვევა იყო - მდინარაძე
- 5 სასამართლომ „ოცნების“ კლიპის არგაშვების გამო „მთავარი“, „პირველი“ და „ფორმულა“ დააჯარიმა
- 6 „ქართული ოცნების“ სარეკლამო კლიპის გადაღების შემდეგ JWT Metro-ს თანამშრომლები ტოვებენ
გორში ბათილი ბიულეტენების გადათვლას „სამართლიანი არჩევნები“ (ISFED) ითხოვდა. სასამართლომ არ დააკმაყოფილა ორგანიზაციის კიდევ ორი სააპელაციო საჩივარი კრწანისისა და ჩუღურეთის საარჩევნო ოლქებში შედეგების გადათვლის შესახებ. სამივე საქმეზე გადაწყვეტილება მიიღო კოლეგიამ, რომლის შემადგენლობაშიც მოსამართლე ილონა თოდუა იყო.
დღესვე სააპელაციო სასმართლო აღმოსავლეთ საქართველოს საოლქო საარჩევნო კომისიების წინააღმდეგ საქართველოს ახალგაზრდა იურისტთა ასოციაციის მიერ შეტანილ საჩივრებს განიხილავს. ორგანიზაცია ყველა იმ უბნის შედეგების ბათილად ცნობას ითხოვს, სადაც არჩევნები ტექნოლოგიების გამოყენებით ჩატარდა.
თავის მხრივ, ცენტრალური საარჩევნო კომისია თეთრიწყაროს რაიონული სასამართლოს მოსამართლის, ვლადიმერ ხუჭუას გადაწყვეტილებას ასაჩივრებს და მის გაუქმებას ითხოვს. 4 ნოემბერს, მოსამართლე ვლადიმერ ხუჭუამ, ყველა სხვა რაიონული სასამართლოსგან განსხვავებით, პრეცედენტული გადაწყვეტილება მიიღო, ხმის ფარულობის დარღვევა დაადასტურა და თეთრიწყაროსა და წალკის 30 საარჩევნო უბნის (ელექტრონული) შედეგები ბათილად ცნო.
აღნიშნულ საჩივრებს განიხილავს მოსამართლეთა კოლეგია დიმიტრი გვრიტიშვილის, გოჩა დიდავას და დავით ახალბედაშვილის შემადგენლობით. პროცესი ოპოზიციის საპროტესტო აქციის ფონზე მიმდინარეობს.
