21 ნოემბერს თბილისის ერთ-ერთ საავადმყოფოში ქმრის მიერ სასტიკად ნაცემი ქალი გარდაიცვალა. მამაკაცი დაკავებულია. პროკურატურის ინფორმაციით, მას ბრალად დამცავი ორდერით გათვალისწინებული ვალდებულების დარღვევა და განსაკუთრებული სისასტიკით ჩადენილი განზრახ მკვლელობის მცდელობა ედება.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
საქმის მასალების მიხედვით, 11 ნოემბერს, საგარეჯოში, ბრალდებულმა მამაკაცმა გენდერის ნიშნით, შეუწყნარებლობის მოტივით, არასრულწლოვანი შვილის თანდასწრებით, მეუღლეს განსაკუთრებული სისასტიკით, სიცოცხლისთვის სახიფათო დაზიანებები მიაყენა.
პოლიციამ ბრალდებული 12 ნოემბერს დააკავა და ამჟამად წინასწარ პატიმრობაში იმყოფება. ბრალის დამტკიცების შემთხვევაში მას 16-დან 20 წლამდე თავისუფლების აღკვეთა ემუქრება.
საქართველოს შინაგან საქმეთა სამინისტროს სტატისტიკური მონაცემების მიხედვით, 2024 წლის პირველ ცხრა თვეში, იანვარ-სექტემბერში, პოლიციამ ოჯახში ძალადობის ფაქტებზე 6653 შემაკავებელი ორდერი გამოსცა. ოჯახში ძალადობის მსხვერპლი 5125 ქალი გახდა. იმავე პერიოდში, ოჯახში ძალადობის 8192 შემთხვევა აღირიცხა, მათ შორის, ფიზიკური ძალადობის 1836 და ფსიქოლოგიური ძალადობის - 6155 შემთხვევა.
2014-2023 წლებში საქართველოში 219 ქალი მოკლეს: აქედან 2014 წელს - 33; 2015 წელს - 17; 2016 წელს - 28; 2017 წელს - 22; 2018 წელს - 18; 2019 წელს - 15; 2020 წელს - 22; 2021 წელს - 18; 2022 წელს - 22; 2023 წელს - 24.
თუ ხართ ოჯახში ძალადობის მსხვერპლი ან ფლობთ ინფორმაციას ოჯახში ძალადობის შესახებ, დარეკეთ ნომერზე 112 ან 116 006.
