Նոյեմբերի 21-ին Թբիլիսիի հիվանդանոցներից մեկում մահացել է ամուսնու կողմից դաժան ծեծի ենթարկված կինը։ Տղամարդը ձերբակալված է։ Ըստ դատախազության՝ նա մեղադրվում է պաշտպանական օրդերով նախատեսված պարտավորությունը խախտելու և առանձնակի դաժանությամբ սպանության փորձի մեջ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 4 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 5 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 6 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
Գործի նյութերի համաձայն՝ նոյեմբերի 11-ին Սագարեջոյում մեղադրյալը անչափահաս երեխայի ներկայությամբ առանձնակի դաժանությամբ կյանքին վտանգ սպառնացող վնասվածքներ է հասցրել կնոջը։
Ոստիկանությունը մեղադրյալին բերման է ենթարկել նոյեմբերի 12-ին, և նա այժմ գտնվում է նախնական կալանքի տակ։ Մեղավոր ճանաչվելու դեպքում, նրան սպառնում է 16-ից 20 տարվա ազատազրկում:
Վրաստանի ՆԳՆ վիճակագրական տվյալների համաձայն՝ 2024 թվականի առաջին ինն ամիսներին՝ հունվար-սեպտեմբերին, ոստիկանությունը 6653 կանխարգելիչ օրդեր է արձակել ընտանեկան բռնության դեպքերի համար։ Ընտանեկան բռնության զոհ է դարձել 5125 կին։ Նույն ժամանակահատվածում գրանցվել է ընտանեկան բռնության 8192 դեպք, որից ֆիզիկական բռնության՝ 1836, հոգեբանական բռնության՝ 6155 դեպք։
2014-2023 թվականներին Վրաստանում սպանվել է ավելի քան 200 կին․ 2014 թվականին՝ 33 կին, 2015 թվականին՝ 17 կին, 2016 թվականին՝ 28 կին, 2017 թվականին՝ 22 կին, 2018 թվականին՝ 18 կին, 2019 թվականին՝ 15 կին, 2020 թվականին՝ 22 կին, 2021 թվականին՝ 18 կին, 2022 թվականին՝ 22 կին, 2023 թվականին՝ 24 կին։
Եթե ընտանեկան բռնության զոհ եք կամ տեղեկություններ ունեք ընտանեկան բռնության մասին, զանգահարեք 112 կամ 116 006 հեռախոսահամարներով։
