Այսօր՝ հունվարի 9-ին, Թբիլիսիում ևս մեկ կին է սպանվել։ 27-ամյա կինը բազմաթիվ վնասվածքներով և արյունահոսությամբ Ինգորողվայի համալսարանական կլինիկա է տեղափոխվել շտապօգնության բրիգադի կողմից, վիրահատություն է կատարվել, սակայն բժիշկներին չի հաջողվել փրկել նրան։ Վերջին 10 օրվա ընթացքում սա Վրաստանում ամուսնու կողմից կնոջ սպանության երկրորդ աղմկահարույց դեպքն է։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Տղամարդը վնասել է նաև ինքն իրեն։ Նա այժմ հոսպիտալացված է։ Ոստիկանությունը հետաքննություն է սկսել քրեական օրենսգրքի 19-109-րդ հոդվածով, որը վերաբերում է ծանրացուցիչ հանգամանքներում դիտավորությամբ սպանությանը։
Ամուսինն ու կինը ապրում էին Վարկեթիլիում։ Հարևանների տեղեկությամբ՝ նրանք չորս ամսական երեխա ունեն։
Հունվարի 1-ին Բաթումիում ամուսնու կողմից դանակահարվել է 36-ամյա Իրմա Բ-ձեն։ 15 և 20 տարեկան երեխաների մայրը մահացել է հիվանդանոց տեղափոխվելուց անմիջապես հետո։ Հունվարի 2-ին ոստիկանությունը կանխամտածված սպանության մեղադրանքով ձերբակալել է նախկինում բազմիցս դատապարտված, պայմանական ազատազրկման մեջ գտնվող 44-ամյա տղամարդու։ Դատարանը նրա նկատմամբ որպես խափանման միջոց է կիրառել կալանքը։
«Սա սպանություն է, որը կատարվել է խանդի հողի վրա»,- ասել է դատախազ Պաատա Ցեցխլաձեն։
Դատախազության տվյալներով՝ 2014-2022 թվականներին Վրաստանում սպանվել է 195 կին.
- 2014 թվականին՝ 33 կին,
- 2015 թվականին՝ 17 կին,
- 2016 թվականին՝ 28 կին,
- 2017 թվականին՝ 22 կին,
- 2018 թվականին՝ 18 կին,
- 2019 թվականին՝ 15 կին,
- 2020 թվականին՝ 22 կին,
- 2021 թվականին՝ 18 կին,
- 2022 թվականին՝ 22 կին։
Այստեղից 98 կին սպանվել է ընտանեկան, 97 կին՝ այլ դրդապատճառներով։ Նույն ժամանակահատվածում գրանցվել է կանանց սպանության 136 փորձ, այդ թվում՝ 54 կին՝ ընտանեկան, 82 կին՝ այլ դրդապատճառներով։
2014-2022 թվականներին ինքնասպանություն է գործել 9, ինքնասպանության փորձ՝ 58 կին։ Դատախազությունը ընտանեկան նշան է հայտնաբերել կանանց ինքնասպանության 3 և ինքնասպանության փորձի 10 դեպքի վերաբերյալ։
Վրաստանի դատախազությունը դեռևս չի հրապարակել 2023 թվականի կանանց սպանության դեպքերի վիճակագրությունը, սակայն, ըստ հանրային պաշտպանի գրասենյակի տվյալների, անցյալ տարվա հունվար-հունիսին սպանվել է 13 կին։ 7 դեպքով հայտնաբերվել է ընտանեկան հանցագործության նշան։ Հանրային պաշտպանը մատնանշում է, որ ի տարբերություն նախորդ տարվա, երբ կանանց սպանության փորձերը գերազանցում էին սպանությունների թվին, 2023 թվականի 6-րդ ամսվա տվյալներով՝ կանանց սպանությունների թիվը գրեթե 54%-ով գերազանցել է սպանության փորձերին։
Կնոջ դիտավորությամբ սպանությունը, որը կատարվել է գենդերային, ինչպես նաև ընտանեկան հողի վրա՝ պատժվում է 16-ից 20 տարի ժամկետով կամ ցմահ ազատազրկմամբ։
Եթե ընտանեկան բռնության զոհ եք կամ ընտանեկան բռնության մասին տեղեկություններ ունեք, խնդրում ենք զանգահարել 112։
