საერთაშორისო რესპუბლიკური ინსტიტუტის (IRI) უახლესი საზოგადოებრივი აზრის კვლევა აჩვენებს, რომ საქართველოს მოქალაქეები ქვეყანაში რუსეთის მოქალაქეების ყოფნას მხარს არ უჭერენ. გამოკითხულთა 78% წინააღმდეგია რუსეთის მოქალაქეებს საქართველოში უვიზოდ შემოსვლის, ბიზნესის რეგისტრაციის ან ქონების შეძენის უფლება ჰქონდეთ.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
„ჩვენი მონაცემები აჩვენებს, რომ საქართველოს მოქალაქეები ეწინააღმდეგებიან სამხედრო მობილიზაციას გამოქცეული რუსების მასობრივად შემოდინებას ქვეყანაში. საჭიროა რომ საქართველოს მთავრობამ მხედველობაში მიიღოს და გაითვალისწინოს აღნიშნული განწყობა“, - განაცხადა სტივენ ნიქსმა, საერთაშორისო რესპუბლიკური ინსტიტუტის ევრაზიის წარმომადგენლობის დირექტორმა.
კითხვაზე, როგორ აფასებთ საქართველოს ამჟამინდელი ხელისუფლების ურთიერთობას რუსეთთან: ჯამში 42% დადებითად აფასებს (12% ძალიან დადებითად 30% ნაწილობრივი დადებითად) 50% კი უარყოფითად (29% ძალიან უარყოფითად, 21% კი ნაწილობრივ უარყოფითად)
საქართველოს რუსეთთან ურთიერთობის ამჟამინდელი მდგომარეობის გათვალისწინებით, რამდენად უსაფრთხოდ გრძნობთ თავს, 13%-მა განაცხადა რომ ძალიან უსაფრთხოდ. 36%-მა კი უპასუხა, რომ ნაწილობრივი უსაფრთხოდ. ჯამში 49% თავს უსაფრთხოდ არ გრძნობს.
დასრულდა თუ კვლავ გრძელდება საქართველოსადმი რუსეთის აგრესია, 76% პასუხობს, რომ ის ჯერ კიდევ გრძელდება. 18%-ს მიაჩნია, რომ დასრულდა, მაგრამ შესაძლოა განახლდეს. მხოლოდ 4% ფიქრობს, რომ რუსეთის აგრესია დასრულდა და ნაკლებად სავარაუდოა, რომ განახლდება.
ჩამოთვლილთაგან რისი უფლება უნდა ჰქონდეს რუსეთის მოქალაქეებს: შემოვიდნენ საქართველოში უვიზოდ - 14% ემხრობა, დაარეგისტირონ ბიზნესი - 8% ემხრობა, შეიძინონ ქონება - 5% ემხრობა. 78% კი ფიქრობს, რომ მათ არც ერთი ზემოთჩამოთვლილის უფლება არ უნდა ჰქონდეთ.
მოქალაქეთა 38% ფიქრობს, რომ რუსი ტურისტები საქართველოში არ უნდა შემოუშვან სანამ არ დააბრუნებენ საქართველოს ოკუპირებულ ტერიტორიებს, 26% მათდამი კეთილგანწყობილია ეკონომიკური საჭიროებების გამო.
IRI-ს დაკვეთით კვლევა ჩატარდა 2022 წლის 13 სექტემბერი - 2 ოქტომბრის პერიოდში პირისპირ ინტერვიუს გზით. კვლევაში მონაწილეობდა საარჩევნო ხმის უფლებისა და ასაკის მქონე 1500 რესპონდენტი. ცდომილების ზღვარი შეადგენს +/- 2.5 %, გამოპასუხების მაჩვენებელი - 74 %.
