„ქართული ოცნების“ მთავრობის დაქვემდებარებაში არსებული სახელმწიფო, სსიპ „გრანტის მართვის სააგენტო“ სოციალურ ქსელ Facebook-სა და Instagram-ზე სააგენტოს ოფიციალური გვერდების პოპულარიზაციისთვის 20 300 ლარს დახარჯავს.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 საპატრულო პოლიციამ შშმ პირს მანქანაში ჩააფსმევინა, შსს-ს 10 ათასის გადახდა დაეკისრა
- 3 283 ქოთანი და 7 კგ გამომშრალი მარიხუანა - დიზაინერ რატი რატიანს 15 წელი მიუსაჯეს
- 4 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 5 ბანკირის ენერგოპროექტი - გოგნის ქარის ელექტროსადგურისთვის კოლხურ ტყეებს გაჩეხავენ
- 6 სოხუმი მასშტაბური ენერგოკოლაფსის მიზეზად ენგურჰესზე მომხდარ ავარიას ასახელებს
სააგენტოს თავმჯდომარის, თამარ ზოდელავას ბრძანების მიხედვით, სარეკლამო მომსახურების შესყიდვა განხორცილდება ეტაპობრივად, 2025 წლის 1-ელი აგვისტოდან 31 დეკემბრის ჩათვლით.
„აღნიშნული შესყიდვის მიზანია დაინტერესებული მიზნობრივი ჯგუფებისთვის სსიპ სახელმწიფო გრანტის მართვის სააგენტოს საქმიანობის, განხორციელებული ღონისძიებების, დაგეგმილი და მიმდინარე რეფორმების შესახებ ინფორმაციის ხელმისაწვდომობის გაზრდის უზრუნველყოფა“, - ვკითულობთ შესყიდვების სააგენტოს ვებგვერდზე.
სახელმწიფო გრანტის მართვის სააგენტო განმარტავს, რომ შესყიდვის მიზნისთვის Facebook-სა და Instagram-ის გამოყენება უალტერნატივოა, რადგან ამ ორ სოციალურ ქსელს საქართველოში ყველაზე მეტი მომხმარებელი ჰყავს.
გრანტების სააგენტო, რომელიც „ქართულმა ოცნებამ“ დამოუკიდებელი არასამთავრობო და მედიაორგანიზაციების შემზღუდველი კანონების მიღების პარალელურად შექმნა, სრულად სახელმწიფო ბიუჯეტიდან ფინანსდება. 2025 წელს მისი ბიუჯეტი 814 472 ლარია. აქედან 253 200 ლარი ხელფასებზე მოდის. მაგალითად, სააგენტოს თავმჯდომარის, თამარ ზოდელავას ყოველთვიური ხელფასი 10 585 ლარს შეადგენს.
მთავრობის შესაბამისი დადგენილების მიხედვით, სააგენტოს საქმიანობის მიზანია სახელმწიფო გრანტის გაცემის გზით საქართველოში რეგისტრირებული და მოქმედი საზოგადოებრივი ორგანიზაციების მხარდაჭერა. ამისთვის მიმდინარე წელს 20 მილიონი ლარია გათვალისწინებული.
