საქართველოს პრეზიდენტმა, სალომე ზურაბიშვილმა გამოვლენილი სამაგალითო სამოქალაქო თავდადებისთვის, განსაკუთრებული მოქალაქეობრივი პასუხისმგებლობისა და პიროვნული მამაცობისთვის 34 ქართველი ჟურნალისტი დააჯილდოვა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 გახარია კალანდარიშვილზე: ვიღაც ერთ ხმების მომპარავ თაღლითს საღებავი შეასხეს
- 3 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 გორელმა ბიზნესმენმა სტალინის ფენომენის პოპულარიზაციისთვის ფონდი დააფუძნა
- 6 აქციაზე დაკავებულ 21 წლის მათე დევიძეს 4-დან 7 წლამდე პატიმრობა ემუქრება
10 დეკემბერს, ორბელიანების სასახლეში გამართულ ღონისძიებაზე პრეზიდენტმა ჟურნალისტებს მიმართა და განაცადა, რომ ისინი ნამდვილად ქვეყნის სადარაჯოზე დგანან.
„თქვენ ხართ ის ადამიანები, რომლებმაც თქვენს ხელში აიღეთ არა მხოლოდ კამერა და მიკროფონი, არამედ თქვენს ხელში აიღეთ ამ ქვეყნის მომავალი და ბედი. ამისთვის თქვენც ჩაეწერებით საქართველოს ისტორიაში, ოღონდ ჩაეწერებით როგორც დღევანდელი დღის, ეპოქის გმირები. ადვილი არ არის, მიხვიდე იქ, სადაც არიან ეს მხეცები, დადგე მათ წინ და გაბედო, მათ კითხვებიც დაუსვა, გაზის გაშვების დროს მაინც იქ იდგე, არ გაინძრე და დარჩე შენს ხალხთან ერთად“, - თქვა ზურაბიშვილმა.
პრეზიდენტმა ჟურნალისტებს მადლობა გადაუხადა, აღნიშნა, რომ მედია არის ის ფანჯარა, რომლის საშუალებით ვხედავთ, რაც ხდება.
„მინდა, უღრმესი მადლობა გადაგიხადოთ, მაგრამ თქვენ მადლობისთვის არაფერს აკეთებთ. თქვენ ამას აკეთებთ იმიტომ, რომ ბოლომდე გესმით, რას ნიშნავს პროფესიული ვალდებულება.
ხვალ ალბათ თქვენზე წამოვა კიდევ უფრო ძლიერი ზეწოლა, თუ ესენი გააგრძელებენ ამ მდგომარეობაში ყოფნას, რადგან თქვენ ხართ ის ფანჯარა, რომლის საშუალებით ვხედავთ იმას, რაც ხდება. თქვენ რომ არ იყოთ, ადამიანებს, ვინც არ არიან დემონსტრაციებზე, რადგან არ შეუძლიათ იქ დგომა, არ ეცოდინებოდათ, რა ხდება.
თუნდაც პროტესტის ერთი ნაწილიდან მეორე ნაწილამდე, რომელიც ძალიან გაშლილია მთელ ქალაქში, ან სხვადასხვა ქალაქში, არ გვეცოდინებოდა, რომ ქვეყანა მთლიანად დგას ამ უსამართლობის წინააღმდეგ. ასე რომ, თქვენი ყოფნა, თქვენი ეს თავდადება არის ძალიან მნიშვნელოვანი დღეს, ხვალ და მუდამ. ამ თავდადებისთვის მე დღეს თქვენ გაჯილდოებთ“, - აღნიშნა ზურაბიშვილმა.
მედლით „სამოქალაქო თავდადებისთვის“ დაჯილდოვდნენ ტელევიზიებისა და ონლაინგამოცემების ჟურნალისტები/ოპერატორები:
- ჯონი ბაკურიძე - ტელეკომპანია „ფორმულა“
- სერგი ბარამიძე - ტელეკომპანია „მთავარი არხი“
- ნუცა ბახუტაშვილი - ტელეკომპანია „ფორმულა“
- დავით ბერაძე - ტელეკომპანია „პირველი“
- დავით ბიჭიკაშვილი - ტელეკომპანია „პირველი“
- სალომე ბოკუჩავა - ტელეკომპანია „ფორმულა“
- ნიკა ბუჩაშვილი - ტელეკომპანია „პირველი“
- მინდია გაბაძე - ონლაინგამოცემა „პუბლიკა“
- მარიამ გაფრინდაშვილი - ტელეკომპანია „პირველი“
- რუსუდან დუმბაძე - ტელეკომპანია „პირველი“
- აკაკი ზარქუა - ონლაინგამოცემა „რეალპოლიტიკა“
- ვასილ ივანოვ-ჩიქოვანი - საზოგადოებრივი მაუწყებლის პირველი არხი
- მალხაზ კანდელაკი - ტელეკომპანია „პირველი“
- დავით კობიძე - ტელეკომპანია „მთავარი არხი“
- ნიკოლოზ კოკაია - ტელეკომპანია „პირველი“
- ანა ლომთაძე მდივანი - ტელეკომპანია „პირველი“
- მარიამ მაკასარაშვილი - ტელეკომპანია „პირველი“
- დეა მამისეიშვილი - ტელეკომპანია „მთავარი არხი“
- მიხეილ მარტიაშვილი - ტელეკომპანია „ფორმულა“
- მირიან მელაძე - საზოგადოებრივი მაუწყებლის პირველი არხი
- გივი მჭედლიშვილი - ტელეკომპანია „მთავარი არხი“
- მარიამ ნიკურაძე - ონლაინგამოცემა OC Media
- გურამ როგავა - ტელეკომპანია „ფორმულა“
- დავით ქაშიაშვილი - ტელეკომპანია „ფორმულა“
- ნანა ქაჯაია - ტელეკომპანია „პირველი“
- ალექსანდრე ქეშელაშვილი - ონლაინგამოცემა „პუბლიკა“
- გენადი ქვაჩახია - ტელეკომპანია „ფორმულა“
- ბექა ყორშია - ტელეკომპანია „მთავარი არხი“
- გიორგი შეწირული - ტელეკომპანია „პირველი“
- მაკა ჩიხლაძე - ტელეკომპანია „პირველი“
- ქეთა ციცქიშვილი - ტელეკომპანია „მთავარი არხი“
- პავლე ხაჩიძე - ტელეკომპანია „პირველი“
- ირინა ყურუა - აჭარის ტელევიზია
- ბესარიონ გაფრინდაშვილი - საზოგადოებრივი მაუწყებლის პირველი არხი
დაჯილდოებულთა შორის ვერ მოხვდნენ „რადიო თავისუფლების“ ჟურნალისტები. როგორც პრეზიდენტმა აღნიშნა, ამის უფლებას მათი ეთიკის წესები არ იძლევა. „მაგრამ მათაც დიდი მადლობა“, - დასძინა სალომე ზურაბიშვილმა.
