„აზერბაიჯანის ავიახაზების“ სამგზავრო თვითმფრინავი, რომელიც ბაქოდან გროზნოში მიფრინავდა, 25 დეკემბერს, დილით, ყაზახეთის ქალაქ აქთაუსთან ჩამოვარდა და ცეცხლი გაუჩნდა. წინასწარი ინფორმაციით, ბორტზე მყოფი 67 ადამიანიდან 28 გადარჩა.
ახალი ამბები
მკითხველის რჩეული
- 1 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 2 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 3 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 4 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 5 Meta ფაქტების გადამოწმების პროგრამას წყვეტს
- 6 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
გამოცემა Orda.kz-ს თვითმხილველებმა უთხრეს, რომ ჩამოვარდნილი თვითმფრინავის ბორტზე ჟანგბადის ბალონი აფეთქდა. მათივე თქმით, მანამდე, ძრავში ფრინველები მოხვდნენ.
Embraer 190-ის ბორტზე 62 მგზავრი და ეკიპაჟის 5 წევრი იმყოფებოდა. როგორც ყაზახური მედია იუწყება, საავადმყოფოში 11 და 16 წლის დაშავებული მოზარდებიც გადაიყვანეს.
თვითმფრინავი გროზნოს აეროპორტში უნდა დამჯდარიყო, თუმცა ძლიერი ნისლის გამო მახაჩყალაში გადამისამართდა.
„აზერბაიჯანის ავიახაზების“ განცხადებით, პირველადი ინფორმაციით, ავიაკტასტროფის მიზეზი თვითმფრინავისა და ფრინველების გუნდის შეჯახება გახდა.
აზერბაიჯანის პრეზიდენტის ილჰამ ალიევის დავალებით, მომხდარის გარემოებების შესასწავლად, აქთაუში მთავრობის წარმომადგენლების დელეგაცია გაფრინდა.
„აზერბაიჯანის ავიახაზები“ აზერბაიჯანის უმსხვილესი ავიაკომპანია და ეროვნული ფლაგმანია, რომელიც 1992 წელს დაფუძნდა.
