შოვში, სტიქიის ზონაში მიმდინარე სამძებრო სამუშაოებისას, მაშველებმა კიდევ ერთი ცხედარი იპოვეს. 15 აგვისტოს მდგომარეობით, ღვარცოფს 26 ადამიანი ემსხვერპლა, 7 კი ამ დრომდე დაკარგულად მიიჩნევა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 5 „ქართული ოცნების“ დე-ფაქტო მთავრობა არალეგიტიმურია - ჰელსინკის კომისია
- 6 სპეცრაზმი რუსთაველის გამზირზე აქციის მონაწილეებს არბევს
შინაგან საქმეთა სამინისტროს ინფორმაციით, სტიქიის ეპიცენტრში გადამოწმებულია მიწის მასის 90%. სამძებრო სამუშაოებში, რომელიც როგორც ეპიცენტრში, ასევე მდინარეების - რიონის და ჭანჭახის კალაპოტში მიმდინარეობს, ჩართულია ცოცხალი ძალა, მძიმე ტექნიკა და მცურავი საშუალებები.
3 აგვისტოს, რაჭაში, ბუბას მთიდან მოვარდნილმა ღვარცოფმა კურორტი შოვი თითქმის მთლიანად გაანადგურა. სამაშველო ოპერაცია 3 საათის დაგვიანებით დაიწყო, დაღამებისთანავე კი მფრინავებმა ოპერაციაში მონაწილეობა შეწყვიტეს იმ მიზეზით, რომ ვერტმფრენს ღამით უსაფრთხოდ ფრენა არ შეეძლო. ხელისუფლების წარმომადგენლები აცხადებენ, რომ ტრაგედიის თავიდან არიდება შეუძლებელი იყო, რასაც დამოუკიდებელი ექსპერტები არ ეთანხმებიან.
