თბილისის მოქმედი მერისა და მერობის კანდიდატის, კახა კალაძის საარჩევნო ბანერზე „რუსული ოცნების“ და „რუსის“ დაწერის გამო, პარტია „დროას“ ლიდერის, ელენე ხოშტარის წინააღმდეგ გამოძიება დაიწყო.
ახალი ამბები
მკითხველის რჩეული
- 1 სუს-მა მცხეთა-მთიანეთის გუბერნატორის მოადგილე ქრთამის აღების ბრალდებით დააკავა
- 2 რუსეთი კვლავ უკრაინის „დემილიტარიზაციას“ და ნეიტრალურ სტატუსს ითხოვს
- 3 „რესი“: თბილისმა აღაიარა ის, რასაც სამხრეთ ოსეთსა და რუსეთში ამდენი წელი ელოდნენ
- 4 კიევზე რუსეთის მასირებული შეტევის შედეგად დაღუპულთა რიცხვი 18-მდე გაიზარდა
- 5 1920 წელს რუსეთის არმია შემოიჭრა და აზერბაიჯანი დაიპყრო, სახელმწიფო წაგვართვეს – ალიევი
- 6 სომხეთში რუსეთის მიერ ძებნილი საქართველოს მოქალაქე დააკავეს
შინაგან საქმეთა სამინისტროს განცხადების თანახმად, სისხლის სამართლის საქმე „ქართული ოცნების“ წარმომადგენლების მიმართვის საფუძველზე აღიძრა. გამოძიება 187-ე მუხლით მიმდინარეობს, რაც ნივთის დაზიანებას ან განადგურებას გულისხმობს.
„სამართალდამცველები ფაქტთან დაკავშირებით საგამოძიებო მოქმედებებს ატარებენ, ექსპერტიზის საფუძველზე დადგინდება ზარალის ზუსტი ოდენობა და აღნიშნულ ქმედებას შესაბამისი სამართლებრივი რეაგირება მოჰყვება“, - განაცხადეს შსს-ში.
ელენე ხუშტარიამ 14 სექტემბერს, Facebook-ის პირად გვერდზე გააზიარა ვიდეო, სადაც ჩანს, როგორ წერს მელიქიშვილის გამზირზე, კლაძის საარჩევნო შტაბთან გაკრულ ბანერზე „რუსულ ოცნებას“. მოგვიანებით მან ბანერის ფოტოც გამოაქვეყნა სათაურით „სოლიდარობა მეგის!“.
რამდენიმე დღის წინ, კალაძის ბანერების დაზიანერბის ბრალდებით 23 წლის სტუდენტი და სამოქალაქო აქტივისტი მეგი დიასამიძე დააკავეს. პროკურატურა აცხადებს, რომ „რუსული ოცნების“ დაწერით გამოწვეულმა ზიანმა 380 ლარი შეადგინა.
მეგი დიასამიძე სასამართლომ გირაოს სანაცვლოდ გაათავისუფლა. აქტივისტმა პროცესის შემდეგ თქვა, წარწერა მას არ გაუკეთებია.
სისხლის სამართლის კოდექსის 187-ე მუხლის 1-ელი ნაწილი გულისხმობს სხვისი ნივთის დაზიანებას ან განადგურებას, რამაც მნიშვნელოვანი ზიანი გამოიწვია. დანაშაული სასჯელის სახით ითვალისწინებს ჯარიმას, საზოგადოებისათვის სასარგებლო შრომას 100-დან 180 საათამდე, გამასწორებელ სამუშაოს ვადით 1 წლამდე, შინაპატიმრობას ვადით 6 თვიდან 2 წლამდე ან თავისუფლების აღკვეთას ვადით 1-დან 5 წლამდე.
