სომხეთში აღმოაჩინეს თითქმის ერთი ტონა ნარკოტიკული საშუალება კოკაინი, რომელიც ქვეყანაში ეკვადორიდან სამი ქვეყნის, მათ შორის, საქართველოს ტერიტორიის გავლით მოხვდა. ამის შესახებ ინფორმაცია დღეს, 17 მაისს, სომხეთის სახელმწიფო უსაფრთხოების სამსახურმა გაავრცელა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 ოპოზიციური პარტიები 24 ნოემბერს პარლამენტთან აქციას და ღამისთევას აანონსებენ
- 5 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
- 6 პარლამენტი აღარ არსებობს, რადგან ერთმა პარტიამ თავზე დაიხია კონსტიტუცია - ზურაბიშვილი
უწყების განცხადებით, 2023 წლის 13 მაისს აღძრული სისხლის სამართლის საქმის ფარგლებში ჩატარებული საგამოძიებო მოქმედებების შედეგად დადგინდა, რომ სომხეთში მოქმედი და ხილის იმპორტიორი კომპანიის მიერ შეკვეთილი საქონლის პარტიის ნაცვლად, ეკვადორიდან პანამის, იტალიის და საქართველოს გავლით სომხეთში დიდი რაოდენობით კოკაინი შევიდა. ნარკოტიკული საშუალების პარტია აღმოაჩინეს და სახელმწიფო უსაფრთხოების სამსახურში ინახება. მისი საბაზრო ღირებულება დაახლოებით 250 მილიონი ევროა.
სომხეთის სახელმწიფო უსაფრთხოების სამსახური არ ასახელებს არც საქონლის შემკვეთ და არც მიმწოდებელ კომპანიას. უწყებაში არც იმას ამბობენ, დაკავშირებულია თუ არა ეს შემთხვევა იტალიაში გამოვლენილ მასშტაბურ ნარკოდანაშაულთან.
გუშინ, 16 მაისს, საერთაშორისო მედიაში გავრცელდა ინფორმაცია, რომ სამხრეთ იტალიაში, ჯოია ტაუროს პორტში, პოლიციამ დააკავა გემი, რომელიც 800 მილიონი ევროს ღირებულების 2.7 ტონა კოკაინით იყო დატვირთული. კოკაინის შეკვრები ბანანის 12-მეტრიან კონტეინერებში იყო დამალული, ტვირთი კი ეკვადორიდან მოდიოდა. ტვირთი იტალიიდან ბათუმის პორტის გავლით სომხეთში უნდა გაეგზავნათ.
