შინაგან საქმეთა სამინისტროს განსაკუთრებულ დავალებათა დეპარტამენტის თანამშრომლები და „რობოკოპები“ რუსთაველის გამზირს მომიტინგეებისგან წმენდენ. მათ წინააღმდეგ ცრემლსადენ გაზს იყენებენ, მობილზებულია წყლის ჭავლის მანქანები.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
შსს-ს ნიღბიანი თანამშრომლები მოქალაქეებს ძალის გამოყენებით აკავებენ. ტელეკომპანია „მთავარი არხის“ ინფორმაციით, დაკავებულებს შორისაა ადვოკატი ბექა ბასილაია.
აქციის მონაწილეები მედიასთან ამბობენ, რომ არ დაიშლებიან. ისინი ნაგვის ურნების, სკამების და სხვადასხვა ნივთის გამოყენებით ბარიკადების აგებას ცდილობენ.
საქართველოს პრეზიდენტმა სალომე ზურაბიშვილმა შსს-ს დანაყოფებს მიმართა, მოქალაქეებზე ხელი არ აწიონ. მისი თქმით, არაფერი ხდება არც რუსთაველზე, არც სხვა ქალაქებში ისეთ, რაც მათ ჩართულობას და დარბევას მოითხოვს.
„პასუხისმგებლობა არის მხოლოდ თქვენი და თქვენი უფროსების. იმათმაც ამაზე იფიქრონ“, - აღნიშნა პრეზიდენტმა.
მეორე დღეა მოქალაქეები აპროტესტებენ „ქართული ოცნების“ გადაწყვეტილებას საქართველოს ევროინტეგრაციის პროცესის 2028 წლის ბოლომდე შეჩერების შესახებ. საპროტესტო აქციები იმართება რეგიონებშიც.
