„გადავწყვიტე, გვერდით დავუდგე ისეთ გუნდს, რომელმაც შეინარჩუნა ქვეყანაში მშვიდობა და დარწმუნებული ვარ, რომ „ქართული ოცნება“ იქნება ის გუნდი, რომელიც ამაყად, ღირსებით შეაბიჯებს ევროპაში“, - განაცხადა ოლიმპიურმა ჩემპიონმა, ძალოსანმა ლაშა ტალახაძემ, რომელიც „ქართულ ოცნებას“ შეუერთდა და საარჩევნო სიაში მეშვიდე ნომერია.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
ტალახაძის თქმით, მისი მთავარი მიზანია, საქართველო ევროკავშირის წევრი ქვეყანა იყოს. ჟურნალისტის შეკითხვაზე, რას ფიქრობს რუსულ კანონთან დაკავშირებით, განაცხადა, რომ ის აუცილებელია.
„გამჭვირვალობის კანონს რაც შეეხება, ვთვლი, რომ აუცილებელი არის და არ უნდა იყოს საზოგადოებაში დამალული რამე, უნდა იყოს ყველაფერი საჯარო და ღია“, - აღნიშნა სპორტსმენმა.
ლაშა ტალახაძის განცხადებით, ჯერ ჩამოყალიბებული არ არის, რას გააკეთებს პარლამენტში, თუმცა მისი მთავარი მიზანი ახალგაზრდებისა და ქართული სპორტის მხარდაჭერაა.
„ქართული ოცნების“ საპარლამენტო უმრავლესობამ მრავალათასიანი საპროტესტო აქციებისა და საერთაშორისო კრიტიკის მიუხედავად, 28 მაისს პრეზიდენტის ვეტო დაძლია და 84 დეპუტატის მხარდაჭერით მიიღო დამოუკიდებელი მედიისა და არასამთავრობო ორგანიზაციების შემზღუდავი რუსული კანონი. შედეგად, საქართველოს ევროკავშირში გაწევრიანების პროცესი შეჩერდა.
30 წლის ლაშა ტალახაძე სამგზის ოლიმპიური, შვიდგზის მსოფლიო და შვიდგზის ევროპის ჩემპიონია. ის ასევე ფლობს მსოფლიო რეკორდს ატაცში (225 კგ), აკვრაში (267 კგ) და ორჭიდის ჯამში (492 კგ). ძალოსანმა ბოლო წარმატებას 2024 წლის პარიზის ოლიმპიურ თამაშებზე მიაღწია და 11 აგვისტოს სამგზის ოლიმპიური ჩემპიონის სტატუსი მოიპოვა.
