თბილისის პოლიციის დეპარტამენტის დირექტორად პოლიციის პოლკოვნიკი ლაშა გოგნიაშვილი დაინიშნა.
ახალი ამბები
მკითხველის რჩეული
- 1 მზია ამაღლობელს ერთ თვალში მხედველობა 10 %-მდე შეუმცირდა, მეორეში - 0,04 %-ია - ადვოკატი
- 2 რიჟვაძის საქმეზე საზღვაო ტრანსპორტის სააგენტოს დირექტორი ალექსი ახვლედიანი დააკავეს
- 3 ივანიშვილ-კუპრაშვილის ბიურომ რუსული კანონების აღსრულება დაიწყო - არასამთავრობოები
- 4 მასობრივი ცენზურა - დევნა Facebook-ის სტატუსებისთვის
- 5 პაპუაშვილი არჩევნებზე წალენჯიხის მერიის განცხადებას „საბოტაჟს“ უწოდებს
- 6 სალომე ზურაბიშვილი 5 000 ლარით დააჯარიმეს გზის გადაკეტვისთვის
2012 წლის სექტემბერის ბოლოს, საპარლამენტო არჩევნებამდე ერთი კვირით ადრე, „ქართული ოცნება“ ლაშა გოგნიაშვილს, რომელიც მაშინ ქარელის პოლიციის უფროსი იყო, პარტიის ქარელის ახალგაზრდული ორგანიზაციის ხელმძღვანელის, გიორგი ბერუაშვილისა და მისი თანამოაზრეების მიმართ დევნაში ადანაშაულებდა. კერძოდ, სოზარ სუბარი აცხადებდა, რომ გოგნიაშვილი ბერუაშვილს იარაღის ჩადებით დაემუქრა.
„ქართული ოცნების“ ხელისუფლებაში ყოფნის პერიოდში, ლაშა გოგნიაშვილი ქუთაისის და ბათუმის პოლიციის უფროსი, ასევე, აჭარის ავტონომიური რესპუბლიკის და ქვემო ქართლის პოლიციის დეპარტამენტების უფროსი იყო, მუშაობდა ცენტრალური კრიმინალური პოლიციის დეპარტამენტის დირექტორის მოადგილედაც, 2024 წლის მარტის ბოლოდან კი, გურიის პოლიციის დეპარტამენტის დირექტორის თანამდებობა ეკავა.
დღეს, 7 აპრილს, თბილისის პოლიციის დეპარტამენტის თანამშრომლებს ახალი უფროსი „ქართული ოცნების“ შინაგან საქმეთა მინისტრმა, ვახტანგ გომელაურმა წარუდგინა. ლაშა გოგნიაშვილმა სულხან თამაზაშვილი ჩაანაცვლა, რომელიც აჭარის ავტონომიური რესპუბლიკის მთავრობის თავმჯდომარის თანამდებობაზე გადაიყვანეს.
