კულტურისა და სპორტის მინისტრი თეა წულუკიანი, რომელიც „ქართულმა ოცნებამ“ საარჩევნო სიის მეექვსე ნომრად წარადგინა, თანამდებობას ტოვებს. ამის შესახებ მან 25 სექტემბერს, რეჟისორ გიზო ჟორდანიას საიუბილეო საღამოზე სიტყვით გამოსვლისას განაცხადა.
ახალი ამბები
მკითხველის რჩეული
- 1 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 2 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 3 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 4 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 5 გერმანიამ საქართველოში მომიტინგეებზე ძალადობაზე პასუხისმგებელ 9 პირს ქვეყანაში შესვლა აუკრძალა
- 6 Meta ფაქტების გადამოწმების პროგრამას წყვეტს
„არ მახსენდება, თუ მახსენდება, ერთი ან ორი შემთხვევა, როდესაც საიუბილეო ღონისძიებაზე სცენაზე ავსულვარ და სიტყვით გამოვსულვარ. ყოველთვის ვთვლიდი, რომ ეს არის ზედმეტი, არაადეკვატური და უადგილო, მაგრამ დღეს, ამ სცენაზე ვარ, რადგან უნდა დაგემშვიდობოთ. ხვალ ბოლო სამუშაო დღე მაქვს.
თავიდან, სიურპრიზად, ელდა მეცა, მაგრამ ბოლო დღეებში შევმსუბუქდი და ხუმრობის ხასიათზე ვარ. მე არ ვიცი, რა უნდა ვაკეთო პარლამენტში და რატომ მეძახიან ჩემნაირ იურისტს. ცოტა მოხულიგნოს, ენას რომ ჯიბეში არ ინახავს, ეს ხანდახან პრობლემაა, ვნახავთ. მარტო თქვენს სფეროში არ არიან მსახიობები და რეჟისორები. მე სადაც ვარ, იქ მსახიობად ვმუშაობ. დამიბარეს, მივდივარ და როლიც გაირკვევა, რა მაქვს მონიჭებული“, - თქვა წულუკიანმა.
თეა წულუკიანი კულტურისა და სპორტის მინისტრის თანამდებობას 2021 წლის მარტიდან იკავებს. მანამდე, 2020 წლის 31 ოქტომბრის საპარლამენტო არჩევნების შედეგად ის პარლამენტის წევრი გახდა და მინისტრად დანიშვნამდე განათლების, მეცნიერებისა და კულტურის კომიტეტის თავმჯდომარე იყო. წულუკიანი „ქართული ოცნების“ საპარლამენტო სიაში 2012 წელსაც იყო, თუმცა არჩევნებში გამარჯვების შემდგომ საქართველოს იუსტიციის მინისტრად დაინიშნა.
საპარლამენტო აჩევნები 26 ოქტომბერს გაიმართება, საარჩევნო სიების რეგისტრაციის ვადა კი დღეს იწურება. საქართველოს საარჩევნო კოდექსის თანახმად, პარლამენტის წევრობის კანდიდატად რეგისტრაციის შემდეგ, მინისტრები დაკავებული თანამდებობიდან უნდა გადადგნენ და განთავისუფლდნენ.
