ამერიკის შეერთებული შტატების პრეზიდენტის, დონალდ ტრამპის თქმით, არ სჯერა, რომ უკრაინის პრეზიდენტს, ვოლოდიმირ ზელენსკის „დიქტატორი“ უწოდა.
ახალი ამბები
მკითხველის რჩეული
- 1 მზია ამაღლობელის მხარდამჭერი აქციის გამო შსს-მ 9 ადამიანს სამართალდარღვევის ოქმი შეუდგინა
- 2 გომელაური, „ხარება“ და სხვა დასანქცირებული პოლიციელები ღირსების ორდენით დააჯილდოვეს
- 3 პოლიციის აკადემიის რექტორად სავარაუდო კორუფციაში მხილებული ლელა ჩიქოვანი დაინიშნა
- 4 პატიმრის ადვოკატი: „სახის არცერთი ძვალი მთელი არ აქვს, ეს აღწერილი არაა და რატომ, გაუგებარია“
- 5 მზია ამაღლობელს კლინიკიდან პენიტენციურ დაწესებულებაში დღეს დააბრუნებენ
- 6 მოიპოვებენ თუ არა საქართველოში ტაილანდელი ქალებისგან კვერცხუჯრედებს იძულებით
ამის შესახებ ტრამპმა 27 თებერვალს, თეთრ სახლში, გაერთიანებული სამეფოს პრემიერ-მინისტრ კირ სტარმერთან ერთად გამართულ პრესკონფერენციაზე განაცხადა.
„მე ვთქვი ეს? ვერ ვიჯერებ, რომ ამას ვიტყოდი. შემდეგი შეკითხვა“, - ასე უპასუხა ტრამპმა BBC-ის რეპორტიორს, რომელმაც ჰკითხა, კიდევ ფიქრობს თუ არა, რომ ზელენსკი „დიქტატორია“.
დონალდ ტრამპმა ვოლოდიმირ ზელენსკის „დიქტატორი არჩევნების გარეშე“ 19 თებერვალს, პლატფორმა Truth Social-ზე გამოქვეყნებულ პოსტში უწოდა, რითაც უკრაინის პრეზიდენტის „არალეგიტიმურობის“ შესახებ რუსეთის ხელისუფლების ცრუ ნარატივი გაიმეორა.
როდესაც აშშ-ის პრეზიდენტს რამდენიმე დღის შემდეგ ჰკითხეს, უწოდებს თუ არა „დიქტატორს“ რუსეთის პრეზიდენტს, ვლადიმერ პუტინს, ტრამპმა თქვა, რომ ამ სიტყვას მარტივად არ იყენებს.
ვოლოდიმირ ზელენსკი ვაშინგტონში პარასკევს, 28 თებერვალს ჩავა და მოსალოდნელია, რომ დონალდ ტრამპთან ერთად წიაღისეულის შესახებ შეთანხმებას მოაწერს ხელს. ტრამპის შეფასებით, ეს იქნება „ძალიან მნიშვნელოვანი შეთანხმება ორივე მხარისთვის“.
„ხვალ მშვიდობისკენ პროგრესი გაგრძელდება, როდესაც პრეზიდენტი ზელენსკი ეწვევა თეთრ სახლს... ჩვენ ხელს მოვაწერთ ისტორიულ შეთანხმებას, რომელიც ამერიკის შეერთებულ შტატებს უკრაინის სასარგებლო წიაღისეულის განვითარებაში მთავარ პარტნიორად აქცევს...
ამერიკელი გადასახადის გადამხდელები ახლა რეალურად აინაზღაურებენ ფულს და ასობით მილიარდ დოლარს, რომელიც დაიხარჯა უკრაინის თავდაცვის დასახმარებლად“, - განაცხადა ტრამპმა.
