საპარლამენტო არჩევნების წინ, ცენტრალური საარჩევნო კომისიის თავმჯდომარე გიორგი კალანდარიშვილს სახელმწიფო დაცვა დაენიშნა. შესაბამისი განკარგულება პრემიერ-მინისტრმა ირაკლი კობახიძემ გამოსცა.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
განკარგულების მიხედვით, ცესკოს თავმჯდომარეს დაცვა დაენიშნა „პარლამენტის მორიგ არჩევნებთან დაკავშირებით, მიმდინარე წლის პერიოდში შესაბამისი წინაპირობებიდან გამომდინარე საჭიროების გასვლამდე“. დაცვის ღონისძიებათა განხორციელება სახელმწიფო დაცვის სპეციალურ სამსახურს დაევალა.
ცენტრალური საარჩევნო კომისიის თავმჯდომარე სახელმწიფო დაცვის სპეციალური სამსახურის დასაცავი პირები ნუსხაში არ არის. თუმცა, მთავრობის 2020 წლის დადგენილების მიხედვით, მთავრობის განკარგულების საფუძველზე, სახელმწიფო დაცვა შეიძლება დაენიშნოს სახელმწიფო უწყების ხელმძღვანელს, აგრეთვე მის ოჯახის წევრებს, თუ არსებობს საკმარისი მონაცემები ან შესაბამისი სამსახურებიდან მიღებულია ინფორმაცია, რომ მის ან მისი ოჯახის წევრების სიცოცხლესა და ჯანმრთელობას საფრთხე ემუქრება.
ცესკოში აცხადებენ, რომ ეს წინასაარჩევნო პრაქტიკაა და დაცვა ცესკოს ყველა თავმჯდომარეს ენიშნებოდა.
