ოკუპირებული ცხინვალის რეგიონის დე ფაქტო სახელმწიფო უსაფრთხოების კომიტეტმა თბილისს გადასცა საქართველოს მოქალაქე ვასილ სალამაშვილი, რომელიც ე.წ. საზღვრის დარღვევის მიზეზით გუშინ, 24 სექტემბერს, უკანონოდ დააკავეს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 არჩევნების დროს საქართველოში აშშ-ის მიერ სანქცირებული რუსი პროპაგანდისტი იმყოფებოდა
- 6 კორძაია ომბუდსმენს სთხოვს პასუხს, დაირღვა თუ არა ამომრჩევლის ხმის ფარულობა არჩევნებზე
როგორც ე.წ. სახელმწიფო უსაფრთხოების კომიტეტში განაცხადეს, კასპის მუნიციპალიტეტის სოფელ საკორინთლოში მცხოვრები 43 წლის მამაკაცის დაკავება ლენინგორის [ოკუპირებული ახალგორი] რაიონის სოფელ მონასტრის მიმდებარე ტერიტორიაზე მოხდა.
„იმის გამო, რომ სამართალდამრღვევს ჯანმრთელობის პრობლემები აქვს, სამხრეთ ოსეთის სახელმწიფო უსაფრთხოების კომიტეტის სასაზღვრო სამსახურმა გადაწყვიტა მისი ქართული მხარისთვის გადაცემა დაჯარიმების გარეშე“, - განაცხადეს დე ფაქტო სახელმწიფო უსაფრთხოების კომიტეტში.
საქართველოს სახელმწიფო უსაფრთხოების სამსახურმა გუშინ, 24 სექტემბერს გაავრცელა ინფორმაცია რუსეთის საოკუპაციო ძალების წარმომადგენლების მიერ ოკუპირებული სოფელ არცევის მიმდებარე ტერიტორიაზე საქართველოს მოქალაქის უკანონოდ დაკავების შესახებ. მანამდე, 19 სექტემბერს, ერთი ადამიანი დააკავეს სოფელ ზემო არცევის მიმდებარედ, ორი კი 17 სექტემბერს, მეჯვრისხევთან. ამ მონაცემებით, დღეისათვის ცხინვალის ციხესა და იზოლატორში საქართველოს სულ მცირე 11 მოქალაქე იმყოფება.
