Օկուպացված Ցխինվալիի շրջանի դե ֆակտո Պետական անվտանգության կոմիտեն Թբիլիսիին է հանձնել Վրաստանի քաղաքացի Վասիլ Սալամաշվիլիին։ Երեկ՝ սեպտեմբերի 24-ին, նա ապօրինի ձերբակալվել է այսպես կոչված սահմանը խախտելու համար։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ինչպես հայտնել են, այսպես կոչված, Պետանվտանգության կոմիտեից, Կասպիի մունիցիպալիտետի Սակորինթլո գյուղում բնակվող 43-ամյա տղամարդու ձերբակալությունը տեղի է ունեցել Լենինգորիի [օկուպացված Ախալգորի] շրջանի Մոնաստրի գյուղի շրջակայքում։
«Քանի որ իրավախախտը առողջական խնդիրներ ունի, Հարավային Օսիայի Պետական անվտանգության կոմիտեի սահմանապահ ծառայությունը որոշել է նրան առանց տույժի հանձնել վրացական կողմին»,- հայտնել են դե ֆակտո Պետական անվտանգության կոմիտեից։
Վրաստանի պետական անվտանգության ծառայությունը երեկ՝ սեպտեմբերի 24-ին, տեղեկություն է տարածել ռուսական օկուպացիոն ուժերի ներկայացուցիչների կողմից օկուպացված Արցևի գյուղի շրջակայքում Վրաստանի քաղաքացու անօրինական ձերբակալության մասին։ Մինչ այդ՝ սեպտեմբերի 19-ին, մեկ անձ ձերբակալվել էր Զեմո Արցևի գյուղի մոտ, իսկ երկու հոգի ձերբակալվել էր սեպտեմբերի 17-ին՝ Մեջվրիսխևիի մոտ։ Այս տվյալների համաձայն՝ Վրաստանի առնվազն 11 քաղաքացի այժմ գտնվում է Ցխինվալիի բանտում և մեկուսարանում։
