ტელეკომპანია „პირველის“ ჟურნალისტს, ნატა ქაჯაია პარლამენტში მუშაობა ექვსი თვით აეკრძალა. ამის შესახებ ინფორმაციას ადვოკატი თორნიკე მიგინეიშვილი ავრცელებს. მისი თქმით, ჟურნალისტისთვის „აკრედიტაციის შეჩერება უკავშირდება სინდისის პატიმრების აბსურდულ საქმეზე მომზადებულ სიუჟეტს“.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 სააკაშვილი: აპირებენ ხაბეიშვილის დადანაშაულებას შეიარაღებული გადატრიალების მცდელობაში
- 3 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 4 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 5 დასკვნითი სხდომის პარალელურად, ბათუმში მზია ამაღლობელის მხარდამჭერი აქცია იმართება
- 6 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
„ნატამ, გასულ შაბათს გადაცემისთვის („ნოდარ მელაძის შაბათი“) მოამზადა სიუჟეტი, სადაც შეეცადა გამოეკითხა პარლამენტის წარმომადგენლები, რადგან, პროკურატურა როგორც ამბობს, პარლამენტს ბიჭებმა ზიანი მიაყენეს. როგორც გვატყობინებენ, ნატასთან კითხვაზე პასუხის გაცემაზე უარი განაცხადა პარლამენტის სამეურნეო უზრუნველყოფის დეპარტამენტის უფროსმა, თუმცა ამის მიუხედავად ჟურნალისტი მაინც პასუხის მიღებას ცდილობდა და ამისთვის ის დაისაჯა“, - ამბობს ადვოკატი.
ეს პირველი შემთხვევა არ არის, როდესაც პარლამენტის აპარატმა ნატა ქაჯაია დაასანქცირა. გასული წლის ივნისში მას ჟურნალისტის აკრედიტაცია ერთი თვით „ხალხის ძალის“ დეპუტატის, სოზარ სუბარის მოთხოვნით შეუჩერდა.
საქართველოს პარლამენტში მასობრივი ინფორმაციის საშუალებათა წარმომადგენლების აკრედიტაციის ახალი, მათი საქმიანობის შემზღუდველი წესი 2023 წლის თებერვალში დამტკიცდა.
მეათე მოწვევის პარლამენტის თავმჯდომარის, შალვა პაპუაშვილის ბრძანება ჟურნალისტებს ავალდებულებს პარლამენტის წევრის, აპარატის თანამშრომლის ან პარლამენტში სტუმრად მყოფი პირის მიერ ინტერვიუს ჩაწერაზე უარის თქმის შემთხვევაში შეწყვიტოს ინტერვიუ. ამ ვალდებულების დარღვევა იწვევს აკრედიტაციის შეჩერებას ერთი თვით, ხოლო განმეორებისას - 6 თვით.
