„საქართველოს დე-ფაქტო ხელისუფლებამ უარი თქვა დემოკრატიაზე ყოველგვარ პრეტენზიაზე და დაიწყო უდანაშაულო აქტივისტების და ოპოზიციის მშვიდობიანი წევრების დაპატიმრება მათ სახლებსა და სამუშაო ადგილებზე. არ შეცდეთ: „ქართული ოცნება“ კრემლის სტილის დიქტატორულ ტაქტიკას იყენებს“, - განაცხადა რესპუბლიკელმა კონგრესმენმა და ჰელსინკის კომისიის თავმჯდომარე ჯო უილსონმა.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 ოპოზიციური პარტიები 24 ნოემბერს პარლამენტთან აქციას და ღამისთევას აანონსებენ
- 5 პარლამენტი აღარ არსებობს, რადგან ერთმა პარტიამ თავზე დაიხია კონსტიტუცია - ზურაბიშვილი
- 6 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
უილსონი, რომელიც კონგრესის წარმომადგენელთა პალატაში საგარეო საქმეთა კომიტეტის თავმჯდომარეობის კანდიდატად განიხილება, სახელმწიფო დეპარტამენტს საქართველოს ხელისუფლების წარმომადგენლების დასანქცირებისკენ მოუწოდებს.
„აშშ-ის მთავრობამ დაუყოვნებლივ უნდა დასაჯოს ის პირები, რომლებიც უდანაშაულო ქართველების მიმართ ძალადობასა და სისასტიკეში მონაწილეობენ. თუ ჩვენ ახლა არ ვიმოქმედებთ, „ქართული ოცნება“ გააგრძელებს ძალადობისა და სისასტიკის კამპანიის ზრდას იმ დონემდე, რომელიც ქვეყანაში ათწლეულების განმავლობაში არ გვინახავს.
სახელმწიფო დეპარტამენტმა უნდა დაიწყოს პერსონალური სანქციების გამოცხადებით თბილისის მერის, შინაგან საქმეთა მინისტრისა და ყველა სხვა ოფიციალური პირის წინააღმდეგ, რომლებიც პასუხისმგებელნი არიან ამ დარბევის ორგანიზებაზე“, - განაცხადა უილსონმა და აშშ-ის ევროპელ მოკავშირეებს მოუწოდა, იგივე გააკეთონ.
რესპუბლიკელი კონგრესმენის ამ განცხადებიდან მალევე, საქართველოში განვითარებულ მოვლენებს სახელმწიფო მდივანი ენტონი ბლინკენი გამოეხმაურა და დაგმო „სასტიკი და გაუმართლებელი ძალადობა“, რომელსაც „ქართული ოცნება“ მიმართავს. ბლინკენის თქმით, აშშ დამატებითი სანქციების ამზადებს და ისინი, ვინც ძირს უთხრიან დემოკრატიულ პროცესებს ან ინსტიტუტებს საქართველოში, პასუხს აგებენ.
