უკრაინის საგარეო საქმეთა მინისტრმა, დმიტრო კულებამ თანამდებობის დატოვების მოთხოვნით უმაღლეს რადას (პარლამენტს) მიმართა. ინფორმაცია პარლამენტის თავმჯდომარე რუსლან სტეფანჩუკმა გაავრცელა.
ახალი ამბები
მკითხველის რჩეული
- 1 „ცოლად შერთვის მიზნით გაიტაცა და სექსუალურად იძალადა“ - კახეთის პოლიციამ 5 პირი დააკავა
- 2 სამტრედიაში ნიკა მელიას თავს დაესხნენ
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 შოვის სტიქიაზე ახალი კვლევის გამოქვეყნების შემდეგ ლაშა სუხიშვილი გამოკითხვაზე დაიბარეს
- 5 გაეროში რუსეთის წარმომადგენელმა აგვისტოს ომზე „ქართული ოცნების“ განცხადება გაიმეორა
- 6 მწვერვალ შხელდაზე დაღუპული მთამსვლელის, არჩილ ბადრიაშვილის ცხედარი იპოვეს
„უმაღლეს რადაში შემოვიდა განცხადება უკრაინის საგარეო საქმეთა მინისტრ დმიტრო კულებასგან თანამდებობის დატოვების შესახებ,“- წერს სტეფანჩუკი სოციალურ ქსელში და განმარტავს, რომ განცხადებას უახლოეს პლენარულ სხდომაზე განიხილავენ.
კულება უკრაინის საგარეო საქმეთა მინისტრის პოსტს 2020 წლიდან იკავებს. თანამდებობიდან მის შესაძლო გათავისუფლებაზე გუშინ „უკრაინსკა პრავდა“ წყაროებზე დაყრდნობით წერდა, თუმცა სტატიაში ამ გადაწყვეტილების მიზეზები დასახელებული არ ყოფილა. გამოცემის ინფორმაციით, ყველაზე მეტად სავარაუდოა, რომ კულებას საგარეო საქმეთა მინისტრის პირველი მოადგილე ანდრი სიბიგა შეცვლის.
თავად დმიტრო კულებას გადადგომის შესახებ საჯარო კომენტარი ჯერ არ გაუკეთებია.
აღსანიშნავია, რომ 3 სექტემბერს პოსტი დატოვა ევროპული და ევროატლანტიკური ინტეგრაციის საკითხებში ვიცე-პრემიერმა, ოლგა სტეფანიშინამ, რომელიც თანამდებობაზე 2020 წლიდან დაინიშნა და ვიცე-პრემიერმა დროებით ოკუპირებული ტერიტორიების რეინტეგრაციის საკითხებში ირინა ვერეშჩუკმა.
თანამდებობები დატოვეს სტრატეგიული მრეწველობის მინისტრმა, ოლექსანდრ კამიშინმა, იუსტიციის მინისტრმა, დენის მალიუსკამ და გარემოს დაცვის მინისტრმა, რუსლან სტრილეტსიმაც.
ქვეყნის პრეზიდენტმა, ვოლოდიმირ ზელენსკიმ განაცხადა, რომ უკრაინის მთავრობაში მეტი ცვლილებებია დაგეგმილი.
