2023 წლის 30 ოქტომბრიდან 7 ნოემბრის ჩათვლით საქართველოს ოფიციალური ვიზიტით ეწვევა გაეროს სპეციალური მომხსენებელი უფლებადამცველთა მდგომარეობის საკითხებში, მერი ლოულორი.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 5 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
სპეციალური მომხსენებელი შეხვდება სამთავრობო უწყებებს, სახალხო დამცველის აპარატს, სამოქალაქო საზოგადოების წევრებსა და უფლებადამცველებს; ასევე, ადვოკატებს, ჟურნალისტებსა და მედიის სხვა წარმომადგენლებს, აკადემიურ წრეებსა და სხვა შესაბამის დაინტერესებულ მხარეებს. სპეციალური მომხსენებელი შეხვედრებს გამართავს გაეროს ეროვნულ გუნდთან და ქვეყანაში მოქმედ დიპლომატიურ კორპუსთან.
ვიზიტის დროს ლოულორი შეაფასებს კანონებს, პოლიტიკას და პრაქტიკულ ზომებს, რომლებიც გავლენას ახდენენ უფლებადამცველებისა და სამოქალაქო საზოგადოების ორგანიზაციების სამუშაო გარემოზე.
ვიზიტი მთავრობის მოწვევით იმართება.
7 ნოემბერს, 11:00 საათზე, თბილისში, სასტუმრო „ქორთიარდ მარიოტში“ სპეციალური მომხსენებელი პრესკონფერენციას გამართავს.
ექსპერტი თავის ანგარიშს ადამიანის უფლებათა საბჭოს 2025 წლის მარტში წარუდგენს.
მერი ლოულორი (ირლანდია) ადამიანის უფლებათა საბჭომ 2020 წელს დანიშნა სპეციალურ მომხსენებლად უფლებადამცველთა მდგომარეობის საკითხებში.
