ფინეთის საგარეო საქმეთა მინისტრის, ელინა ვალტონენის განცხადებით, საქართველოში არსებული სიტუაციით ძალიან შეშფოთებული არიან.
ახალი ამბები
მკითხველის რჩეული
- 1 რუსეთი ალეკო ელისაშვილს დაუსწრებლად ასამართლებს უკრაინაში ბრძოლისთვის
- 2 როგორ დაგეგმეს ლევან ჯანგველაძის შეკვეთილი მკვლელობა - პროკურატურამ 5 პირს ბრალი წარუდგინა
- 3 „ქართულმა ოცნებამ“ 63 მუნიციპალიტეტში მერობის კანდიდატები წარადგინა
- 4 დასკვნითი სხდომის პარალელურად, ბათუმში მზია ამაღლობელის მხარდამჭერი აქცია იმართება
- 5 სახელმწიფო დეპარტამენტის ანგარიში: „ტიტუშკები“, თავდასხმები მედიაზე და დაუსჯელობა
- 6 მნიშვნელოვანია, საქართველოს ხელისუფლების აღიარება საქმედ იქცეს – ზახაროვა აგვისტოს ომზე
ვალტონენმა ამის შესახებ ბრიუსელში განაცხადა და აღნიშნა, რომ ევროკავშირის წევრი ქვეყნების საგარეო საქმეთა მინისტრების დღევანდელ შეხვედრაზე საქართველოში განვითარებულ ბოლო მოვლენებს განიხილავენ.
„საქართველოში არსებულ სიტუაციას ვაკვირდებოდით ბოლო კვირების და თვეების განმავლობაში. ქართველ ხალხს სურს ჰქონდეს სხვა ბედი, ვიდრე ის, რასაც ამჟამად მთავრობა მიჰყვება. ამას ვამბობ როგორც წლევანდელი წლის ეუთოს თავმჯდომარეც. ჩვენ ძალიან შეშფოთებული ვართ არსებული სიტუაციით“, - განაცხადა ვალტონენმა.
შეკითხვაზე, ფიქრობს თუ არა, რომ ახალი არჩევნები არის გამოსავალი არსებული ჩიხიდან, ფინეთის საგარეო საქმეთა მინისტრმა თქვა:
„ეუთოს დემოკრატიული ინსტიტუტებისა და ადამიანის უფლებათა ოფისის (ODIHR) ანგარიშში არის ძალიან კარგი ინიციატივა ქართველი ხალხისთვის, მოითხოვოს ახალი არჩევნები“.
დღეს, 24 თებერვალს, ბრიუსელში, ევროკავშირის საგარეო საქმეთა მინისტრები ხვდებიან. შეხვედრას უძღვება კაია კალასი, ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში. როგორც მან შეხვედრის დაწყებამდე განაცხადა, საქართველოში განვითარებული მოვლენები „საკმაოდ შემაშფოთებელია“ და იმსჯელებენ, კიდევ რისი გაკეთება შეიძლება.
კალასის თქმით, წარდგენილი აქვთ სანქციების დაწესება მათთვის, ვინც რეალურად იყენებს ძალადობას მშვიდობიანი მომიტინგეების მიმართ, თუმცა, აქამდე ვერ დაარწმუნეს ორი ევროპული ქვეყანა [უნგრეთი და სლოვაკეთი], მათ დათანხმდნენ. „ჩვენ ვაგრძელებთ მცდელობას“, - აღნიშნა კაია კალასმა.
