Թբիլիսիում 19-ամյա Ռևի Դեմետրաշվիլիի մահվան գործով դատախազությունը ձերբակալել է Ներքին գործերի նախարարության պարեկային ոստիկանության բաժանմունքի մեկ աշխատակցի։ Ձերբակալվածը մեղադրվում է ճանապարհային երթևեկության անվտանգության կանոնները խախտելու մեջ, ինչը մարդկային զոհերի պատճառ է դարձել։ Հանցագործությունը պատժվում է 4-ից 7 տարի ազատազրկմամբ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Դատախազության տվյալներով՝ պարզվել է, որ հուլիսի 19-ին՝ ժամը 04:35-ի սահմաններում, Ռևի Դեմետրաշվիլին մոտոցիկլետով ընթացել է գերարագ արագությամբ։ Ներքին գործերի նախարարության պարեկային ոստիկանության բաժնի աշխատակիցները պահանջել են կանգ առնել, ինչին նա չի ենթարկվել և շարունակել է շարժվել Ալեքսանդրե Կազբեգիի պողոտայի ուղղությամբ, ինչի ժամանակ բախվել է պարեկային ոստիկանության բաժնի աշխատակցի վարած մեքենային, որը երթևեկել է ճանապարհային երթևեկության կանոնների խախտմամբ։ Մոտոցիկլետի վարորդը տեղում մահացել է։ «Պարեկային ոստիկանության ծառայողների կողմից հնարավոր հանցագործության փաստի առթիվ հարուցված քրեական գործի քննությունը շարունակվում է», - հայտնել են դատախազությունից։
Ճանապարհատրանսպորտային պատահարին պարեկային ոստիկանության անձնակազմի մասնակցության մասին տեղեկությունն ի սկզբանե տարածել էին «Ֆորմուլա» և «Մթավարի արխի» հեռուստաընկերությունները։ Նրանք ձեռք են բերել ականատեսի կողմից արված տեսագրություն, որտեղ հավանաբար երևում է, որ բախման հետևանքով վնասվել է ոստիկանական մեքենա։ Նշված կադրերը նկարահանած քաղաքացի Գիորգի Մոդեբաձեն ՆԳՆ-ի կողմից ձերբակալվել է վարչական կարգով։ Նա մեղադրվում է ոստիկանների նկատմամբ բանավոր վիրավորանքի մեջ։
Հաղորդվել է, որ պարեկային խումբը հետապնդման ժամանակ ավտոմեքենայով փակել է մոտոցիկլետի ճանապարհը։
Միջադեպի առնչությամբ ՆԳՆ-ն հաղորդագրություն չի տարածել։ Դատախազությունը դեպքի առթիվ հետաքննություն է սկսել քրեական օրենսգրքի 276-րդ հոդվածի 6-րդ մասով։
