2022 թվականին 18 պատգամավորներ ելույթի իրավունքից ընդհանրապես չեն օգտվել

«Լուռ պատգամավորների» ցուցակը հրապարակել է «Թրանսփարենսի Ինթերնեշնլ-Վրաստան» հասարակական կազմակերպությունը.

1. Էլգուջա Գոցիրիձե - խորհրդարանական մեծամասնություն, «Վրացական երազանք» խմբակցություն,
2. Իսկո Դասեն - խորհրդարանական մեծամասնություն, «Վրացական երազանք» խմբակցություն,
3. Գրիգոլ Վաշաձե - խորհրդարանական ընդդիմություն, առանց խմբակցության,
4. Աբդուլա Իսմայլով - խորհրդարանական ընդդիմություն, «Միացյալ ազգային շարժում - Միավորված ընդդիմություն» խմբակցություն,
5. Մանուչար Կվիրկելիա - խորհրդարանական ընդդիմություն, «Միացյալ ազգային շարժում - Միավորված ընդդիմություն» խմբակցություն,
6. Սումբատ Կյուրեղյան - խորհրդարանական մեծամասնություն, «Վրացական երազանք» խմբակցություն,
7. Լևան Կոբիաշվիլի - խորհրդարանական մեծամասնություն, «Վրացական երազանք» խմբակցություն,
8. Սամվել Մանուկյան - խորհրդարանական մեծամասնություն, «Վրացական երազանք» խմբակցություն,
9. Գոգի Մեշվելիանի - խորհրդարանական մեծամասնություն, «Վրացական երազանք» խմբակցություն,
10. Կոբա Նակոփիա - խորհրդարանական ընդդիմություն, «Միացյալ ազգային շարժում-Միավորված ընդդիմություն» խմբակցություն,
11. Ռամազ Նիկոլաիշվիլի - խորհրդարանական ընդդիմություն, «Միացյալ ազգային շարժում – Միավորված ընդդիմություն» խմբակցություն,
12. Դիմիտրի Սամխարաձե - խորհրդարանական մեծամասնություն, «Վրացական երազանք» խմբակցություն,
13. Բաչուկի Քարդավա - խորհրդարանական ընդդիմություն, «Միացյալ ազգային շարժում - Միավորված ընդդիմություն» խմբակցություն,
14. Գոդերձի Չանքսելիանի - խորհրդարանական մեծամասնություն, «Վրացական երազանք» խմբակցություն,
15. Վասիլ Չիգոգիձե - խորհրդարանական մեծամասնություն, «Վրացական երազանք» խմբակցություն,
16. Ցեզար Չոչելի - խորհրդարանական ընդդիմություն, «Միացյալ ազգային շարժում - Միավորված ընդդիմություն» խմբակցություն,
17. Դիլար Խաբուլիանի - խորհրդարանական ընդդիմություն, առանց խմբակցության,
18. Վիկտոր Ջափարիձե - խորհրդարանական մեծամասնություն, առանց խմբակցության:

«Թրանսփարենսի Ինթերնեշնլ-Վրաստան»-ի խորհրդարանական քարտուղար Լիկա Սաջաիան նշում է, որ Վրաստանի խորհրդարանի պատգամավորները, որոնք ամբողջ տարվա ընթացքում ձայն չեն հանում, երկար տարիների խնդիր է:

«Նրանք ո՛չ օրենքի քննարկմանն են մասնակցում, ո՛չ քաղաքական բանավեճերին, ո՛չ քաղաքական հայտարարություններ անելու ժամանակ ունեն ասելիք, ոչ էլ հարցեր են տալիս, երբ կառավարության անդամը գալիս է խորհրդարան։ Նրանք ոչինչ չունեն ասելու, չեն բարձրաձայնում ընտրողների խնդիրները, իսկ խորհրդարանի անդամի մանդատը իրենց համար ասոցացվում է միայն կոճակ սեղմելու և օրենքին կողմ քվեարկելու հետ, որի վերաբերյալ իրենք ասելիք չունեն»- ասում է Լիկա Սաջաիան։

Խորհրդարանական մեծամասնության անդամ այսպես կոչված լուռ պատգամավորներից որոշներն ասել են, որ իրենք հաճախակի ակտիվ են հանձնաժողովի նիստերի ժամանակ։