2022-ci ildə Gürcüstan parlamentinin 18 üzvü plenar iclaslarda sözlü çıxış etmək hüququndan ümumiyyətlə istifadə etməyib. Onlardan 10-u parlament çoxluğunun, 8-i isə müxalifət üzvüdür.
Əsas xəbərlər
“Səssiz deputatların” siyahısını “Beynəlxalq Şəffaflıq – Gürcüstan” qeyri-hökumət təşkilatı dərc edir:
- Elquca Qoçiridze - parlament çoxluğu, “Gürcü Arzusu” fraksiyası
- İsko Dasen - parlament çoxluğu, “Gürcü Arzusu” fraksiyası
- Qriqol Vaşadze - parlament müxalifəti, pariyasız üzv
- Abdulla İsmayılov - parlament müxalifəti, “Vahid Milli Hərəkat - Vahid Müxalifət” fraksiyası
- Manuçar Kvirkeliya - parlament müxalifəti, “Vahid Milli Hərəkat - Vahid Müxalifət” fraksiyası
- Sumbat Kiureğiani - parlament çoxluğu, “Gürcü Arzusu” fraksiyası
- Levan Kobiaşvili - parlament çoxluğu, “Gürcü Arzusu” fraksiyası
- Samvel Manukyan - parlament çoxluğu, “Gürcü Arzusu” fraksiyası
- Qoqi Meşveliani - parlament çoxluğu, “Gürcü Arzusu” fraksiyası
- Koba Nağopia- parlament müxalifəti, “Vahid Milli Hərəkat - Vahid Müxalifət” fraksiyası
- Ramaz Nikolaişvili - parlament müxalifəti, “Vahid Milli Hərəkat - Vahid Müxalifət” fraksiyası
- Dimitri Samxaradze - parlament çoxluğu, “Gürcü Arzusu” fraksiyası
- Baçuki Kardava - parlament müxalifəti, “Vahid Milli Hərəkat - Vahid Müxalifət” fraksiyası
- Qoderdzi Çankseliani - parlament çoxluğu, “Gürcü Arzusu” fraksiyası
- Vasil Çiqoqidze - parlament çoxluğu, “Gürcü Arzusu” fraksiyası
- Sezar Çoçeli - parlament müxalifəti, “Vahid Milli Hərəkat - Vahid Müxalifət” fraksiyası
- Dilar Khabuliani - parlament müxalifəti, partiyasız üzv
- Viktor Caparidze - parlament çoxluğu, partiyasız üzv
“Beynəlxalq Şəffaflıq - Gürcüstan”nın parlament katibi Lika Sajaia qeyd edir ki, Gürcüstan parlamentində deputatların il boyu səs çıxarmamaları uzun illərin problemidir.
“Onlar nə qanunun müzakirəsində, nə siyasi debatlarda iştirak edirlər, nə siyasi bəyanatlarla çıxış edirlər, nə də hökumət üzvü parlamentin iclasına gələndə sual verirlər. Onların deməyə sözü yoxdur, seçicilərin problemlərini səsləndirmirlər və onlar üçün parlament rəhbərinin mandatı yalnız düyməni basmaq və haqqında deməyə sözlərinin olmadığı qanuna səs verməkdir”, - Lika Sajaia deyir.
Parlament çoxluğunun üzvü eyni adlı “səssiz deputatlar”ın bəziləri komitə iclaslarında fəal olduqlarını bildiriblər.
