Հայտնի իտալացի լրագրող Ֆաբրիցիո Ռոմանոն հայտնել է, որ Վրաստանի հավաքականի և իսպանական «Վալենսիա» ֆուտբոլային ակումբի դարպասապահ Գիորգի Մամարդաշվիլին 2025 թվականից կմիանա Անգլիայի Պրեմիեր լիգայի «Լիվերպուլ» ակումբին։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Բաթումիում խմբով հարձակվել են Գիորգի Գախարիայի վրա
- 5 ԱՄՆ-ն և Հայաստանը կստորագրեն ռազմավարական գործընկերության փաստաթուղթ
- 6 Վրաստանն Ամերիկայի համար կարող է մեծ հաջողություն լինել, կամ մեծ խնդիր՝ Կովկասում. Զուրաբիշվիլի
Իսպանական ԶԼՄ-ների տեղեկություններով՝ Գիորգի Մամարդաշվիլիի տեղափոխությունը «Լիվերպուլ» գրեթե ավարտված է, և վերջին մանրամասներն են ճշտվում։ «Լիվերպուլը» բանակցություններ է վարում «Վալենսիայի» հետ՝ կապված վճարման պայմանների և գործարքի կառուցվածքի հետ։ Մամարդաշվիլիի համար անգլիացիները իսպանացիներին կվճարեն 35 միլիոն եվրո։ Պայմանագրի պայմաններից մեկն այն է, որ Գիորգին վարձակալական հիմունքներով մնա «Վալենսիայում» ևս մեկ մրցաշրջան՝ մինչև հաջորդ տարվա հունիս։
Անգլիացիները ցանկանում են, որպեսզի Գիորգի Մամարդաշվիլին փոխարինի բրազիլացի դարպասապահ Ալիսոն Բեկերին, ով հենց 2025 թվականի ամռանը կլքի «Լիվերպուլը»։
Հուլիսի 18-ին Transfermarkt-ի տվյալների թարմացումից հետո Գիորգի Մամարդաշվիլին դարձավ աշխարհի ամենաթանկ դարպասապահը (Դիոգո Կոշտայի հետ միասին) և այս պահին նրա շուկայական գինը կազմում է 45 միլիոն եվրո։ 2022 թվականի հունվարին «Վալենսիայի» կողմից Գիորգի Մամարդաշվիլիին ձեռք բերելու ժամանակ այս ցուցանիշը կազմում էր 3 միլիոն եվրո։ Մամարդաշվիլիի վարձակալության ժամկետի ավարտից հետո իսպանական ակումբը ֆուտբոլիստին գնել է «Դինամո Թբիլիսիից» և նրա համար վճարել ընդամենը 850 հազար եվրո։
Վրացի դարպասապահի շուկայական գնի նման աճը պայմանավորված է ԵՎՐՈ 2024-ում ցուցադրված արդյունքներով։ Մրցաշարում ամենաշատը՝ 29 անգամ, Մամարդաշվիլին է հեռացրել գնդակը դարպասից։
