«Ազգային շարժումը», «Լելոն», «Դրոան», «Ախալին», «Ստրատեգիա Աղմաշենեբելին» և «Գիրչի - ավելի շատ ազատությունը» ստորագրել են «Վրաստանի ընդդիմության միասնության հռչակագիրը», որը նշանակում է միավորում հոկտեմբերի 26-ի խորհրդարանական ընտրություններից առաջ և հետո։ Կողմերը խոստանում են խուսափել միմյանց վրա հարձակումներից և նոր խորհրդարանում չեն քվեարկի կառավարություն ձևավորելու օգտին, որին կմասնակցի «Վրացական երազանքը»։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Գիրչի - ավելի շատ ազատություն» կուսակցության առաջնորդ Զուրաբ Ջափարիձեի խոսքով՝ ընդդիմության համաձայնությունը և ռեսուրսների համախմբումը մի քանի եվրոպատգամավորների գաղափարն էր։ Ստորագրող կողմերի ներկայացուցիչները բացատրում են, որ հռչակագրի ընդունումը չի նշանակում ընտրություններին մասնակցել մեկ միասնական ցուցակով։
«Մեզ անհանգստացնում են օլիգարխ Բիձինա Իվանիշվիլիի գլխավորությամբ «Վրացական երազանքի» վերջին հարձակումները, ինչպես նաև կառավարության գործողությունները, որոնք ենթարկվում են նույն օլիգարխին և անտեսում են ժողովրդավարության հիմնական արժեքները և միտումնավոր խոչընդոտում Վրաստանի՝ Եվրամիությանն ու ՆԱՏՕ-ին միանալու ձգտումներին, ինչպես ներկայացրել է նախագահ Սալոմե Զուրաբիշվիլին։
Հայտարարում ենք, որ համախմբվելու ենք մինչև գալիք ընտրությունները և ընտրություններից հետո Վրաստանի խորհրդարանում՝ հասնելու հետևյալ նպատակներին.
- Ազատելու ենք Բիձինա Իվանիշվիլիի կողմից յուրացված պետությունը օլիգարխիայի և նրա հնազանդության տակ գտնվող «Վրացական երազանք» կուսակցությունից,
- Վրաստանը վերադարձնելու ենք Եվրամիությանն արագ ինտեգրման ճանապարհին,
- Նշված նպատակներին հասնելու համար մենք ամեն ինչ անելու ենք, որպեսզի համախմբվենք և համոզիչ հաղթանակ տանենք հաջորդ ընտրություններում։
Մենք դա կանենք Վրաստանի քաղաքացիական հասարակության և Վրաստանի բոլոր այն քաղաքացիների հետ, ովքեր աջակցում և պաշտպանում են Վրաստանի եվրոպական ապագան։
Առաջիկա ընտրություններում հաղթելու համար մենք ստորագրում ենք Միասնության հռչակագիր, որը ենթադրում է միասնություն ինչպես խորհրդարանական ընտրություններից առաջ, այնպես էլ դրանից հետո։
Մենք՝ ստորագրողներս, համաձայն ենք՝
- Ամրապնդել ջանքերը գալիք ընտրություններից առաջ, որպեսզի ոչ մի ընտրական քվե չկորի, որպեսզի 5 տոկոսի շեմը հաղթահարելը խնդիր չլինի,
- Ոչ ուշ, քան 2024 թվականի հուլիսի 8-ը, գտնել մեր միասնության ամենաարդյունավետ կոնֆիգուրացիան, որը առավելագույն արդյունքներ կբերի ընտրություններում,
- Պահպանելով էթիկական շրջանակը՝ մենք պետք է շարունակենք քննարկել երկրի առջև ծառացած խնդիրները և ընտրություններից առաջ և հետո խուսափել միմյանց վրա հարձակումներից,
- Միահամուռ ուժերով ընդդիմանալ «Վրացական երազանքի» քարոզչությանը,
- Համաձայնության գալ ընտրություններից հետո միասնական իշխող կոալիցիայի ձևավորման մասին՝ «Վրացական խարտիայում» նշված կետերը կատարելու համար,
- Պարտավորվել չքվեարկել նոր խորհրդարանում այնպիսի կառավարության ձևավորման օգտին, որին կմասնակցի «Վրացական երազանքը»,
- Խորհրդարանական ընտրություններից հետո նախագահական ընտրություններում սատարել նախագահի միասնական թեկնածուին,
- Համախմբվել ռազմավարական քաղաքական նպատակների և գործունեության շուրջ քաղաքացիական բողոքի շարժումների և ակտիվիստների հետ, ովքեր պայքարել և պայքարում են ժողովրդավարությունը պաշտպանելու և Վրաստանը եվրատլանտյան ճանապարհ վերադարձնելու համար,
- Կոչ անել և մոբիլիզացնել արտերկրում բնակվող վրացի ընտրողների առավելագույն մասնակցությունը ընտրություններին և խնդրել գործընկեր երկրներին նպաստել առկա գործընթացին,
- Համաձայնել միավորել ջանքերը՝ պաշտպանելու բոլոր ընտրական ձայները և կանխելու ընտրակեղծիքները,
- Խնդրել մեր արևմտյան գործընկերներին օգտագործել բոլոր առկա միջոցները՝ պաշտպանելու Վրաստանի քաղաքացիների արդար և թափանցիկ ընտրություններին մասնակցելու իրավունքը, քանի որ այդ հնարավորությունը կարող է միտումնավոր սահմանափակվել «Վրացական երազանքի» կառավարության կողմից․
- Կոչ անել ԵԱՀԿ/ԺՀՄԻԳ-ին, Եվրախորհրդարանին, Եվրոպայի խորհրդին և այլ գերատեսչություններին ապահովել խորհրդարանական ընտրությունների երկարաժամկետ դիտարկումը»:
Ըստ կուսակցությունների՝ հռչակագրին կարող են միանալ նաև այլ ընդդիմադիր կուսակցություններ։
