2023 թվականի հոկտեմբերի 24-ի դրությամբ 776 375 սուբյեկտների տվյալները չեն համապատասխանում «Ձեռնարկատերերի մասին» նոր օրենքի պահանջներին։ Հանրային ռեգիստրի գործակալությունը տվյալները տրամադրել է խորհրդարանի անդամ Միխեիլ Սարջվելաձեին։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Մինչև 2022 թվականի հունվարի 1-ը գրանցված բոլոր ձեռնարկատիրական և ոչ ձեռնարկատիրական սուբյեկտները պարտավոր են մինչև 2024 թվականի հունվարի 1-ը համապատասխանեցնել իրենց գրանցման տվյալները նոր օրենքի պահանջներին։ Այս ժամկետից հետո կազմակերպությանը կտրվի լրացուցիչ երեք ամիս ժամկետ: Եթե սուբյեկտն այս ժամկետում գրանցման տվյալները չհամապատասխանեցնի օրենքի նոր պահանջներին, ապա նրա գրանցումը կչեղարկվի։
Հանրային ռեգիստրի ազգային գործակալության տեղեկատվության համաձայն՝ հոկտեմբերի 24-ի դրությամբ նոր օրենքի պահանջներին համապատասխանություն է արձանագրվել 16 667 սուբյեկտի դեպքում, իսկ 776 375 սուբյեկտ իրենց տվյալները չեն համապատասխանեցրել սահմանված պահանջներին: Դրանք ենք՝ սահմանափակ պատասխանատվությամբ ընկերություններ՝ 288 191, բաժնետիրական ընկերություն՝ 2691, կոմանդիտային հասարակություն՝ 153, համատեղ պատասխանատվությամբ ընկերություն՝ 2846, կոոպերատիվ՝ 4 192, ոչ ձեռնարկատիրական (ոչ առևտրային) իրավաբանական անձ՝ 27 929, հանրային իրավունքի իրավաբանական անձ՝ 47, անհատ ձեռներեց՝ 448 378, օտարերկրյա ձեռնարկության մասնաճյուղ՝ 1761, օտարերկրյա ոչ ձեռնարկատիրական իրավաբանական անձի մասնաճյուղ՝ 186։
Ձեռնարկատերերի և ոչ ձեռնարկատիրական (ոչ առևտրային) իրավաբանական անձանց ռեգիստրում այսօրվա դրությամբ գրանցված են.
- Սահմանափակ պատասխանատվությամբ ընկերություն՝ 333 927,
- Բաժնետիրական ընկերություն՝ 2977,
- Կոմանդիտային հասարակություն՝ 157,
- Համատեղ պատասխանատվությամբ ընկերություն՝ 2 855,
- Կոոպերատիվ՝ 4 341,
- Ոչ ձեռնարկատիրական (ոչ առևտրային) իրավաբանական անձ՝ 30 443,
- Հանրային իրավունքի իրավաբանական անձ՝ 54,
- Անհատ ձեռներեց՝ 551 417,
- Օտարերկրյա ձեռնարկության մասնաճյուղ՝ 1 899,
- Օտարերկրյա ոչ ձեռնարկատիրական իրավաբանական անձի մասնաճյուղ՝ 205։
2022 թվականի հունվարի 1-ից ուժի մեջ են մտել Վրաստանի «Ձեռնարկատերերի մասին» նոր օրենքը և դրան հաջորդած օրենսդրական փոփոխությունները, այդ թվում՝ փոփոխությունները Վրաստանի Քաղաքացիական օրենսգրքում։ Նորովի են դասավորվել սուբյեկտների կազմակերպման, հիմնադրման և որոշումների կայացման հարցերը։ Նշված փոփոխությունները վերաբերում են ինչպես սուբյեկտների բաղկացուցիչ փաստաթղթերի բովանդակային կողմին, այնպես էլ գրանցման տվյալներին վերաբերող ֆորմալ պահանջներին։ Ըստ այդմ, սուբյեկտները պարտավոր են հիմնադիր փաստաթղթերը և գրանցման տվյալները համապատասխանեցնել նոր օրենսդրության պահանջներին։
Հանրային ռեգիստրի ծառայության վճարը 200 լարի է, եթե այս ընթացակարգը կատարվի 1 աշխատանքային օրում, իսկ արագացված սպասարկման դեպքում՝ 400 լարի։ Բացի այդ, գրանցման համար ներկայացված փաստաթղթի վրա կողմերի ստորագրությունները գրանցամատյանում հաստատվելու դեպքում գրանցման վճարին ավելացվում է 7 լարի։
