Աբխազիայի դե ֆակտո Հանրապետության արդարադատության նախարար Անրի Բարցիցը, ով զարգացած իրադարձություններն անվանում է «հակասահմանադրական պետական հեղաշրջում», ասում է, որ տարիներ շարունակ ոչ կառավարական կազմակերպությունները ֆինանսավորվել են արևմտյան հատուկ ծառայությունների կողմից «երկիրն ապակայունացնելու համար»։
Լրահոս
Ընթերցողի ընտրանի
- 1 Ես կանեմ ամեն ինչ, որպեսզի Իվանիշվիլին կորցնի ամենաթանկը՝ փողն ու իշխանությունը. Գախարիա
- 2 Թբիլիսիի քաղաքապետարանը խուսափում է 16-ամյա տղայի մահվան դեպքի համար պատասխանատվությունից
- 3 Արդյո՞ք Վրաստանում թայլանդացի կանանցից բռնի կերպով ձվաբջիջներ են ձեռք բերում
- 4 Պատժամիջոցների ենթարկվելուց հետո Իվանիշվիլին օֆշորներից արդեն 12 ընկերություն է տեղափոխել Վրաստան․ TI
- 5 Ոստիկանները մտել են քաղաքացիական ակտիվիստների տներ, ձերբակալվել է Իսակո Դևիձեն
- 6 Լարին դոլարի նկատմամբ արժեզրկվել է 2 թեթրիով, եվրոյի նկատմամբ՝ 4 թեթրիով
«Այս իրավիճակում միգուցե կարելի է դրականը տեսնել։ Առաջինը, հավանաբար, այն է, որ շենքում, որտեղ գտնվում են այդ մարդիկ [ընդդիմության ներկայացուցիչները], կան Աբխազիայի Սահմանադրության բազմաթիվ օրինակներ, և նրանք հավանաբար ունեն, ժամանակ կունենան կարդալու այն։ Երկրորդ պլյուսը, հավանաբար, այն է, որ ընդդիմության կոնկրետ ներկայացուցիչների քաղաքական թափանցիկության մասին առասպելները ցրվել են, դիմակները հանվել են։
Երրորդը, երևի, չորս տարի է, ինչ վիճում ենք, խոսում ենք այն մասին, որ արևմտյան հատուկ ծառայությունները ֆինանսավորում են հասարակական կազմակերպությունների որոշակի ներկայացուցիչներ, շեշտում եմ՝ որոշակի ներկայացուցիչներ։ Այս ֆինանսավորման նպատակն էր ապակայունացնել իրավիճակը մեր երկրում, ստեղծել քաոս և միջազգային ասպարեզում մեր երկրի բոլորովին բացասական պատկերացում ստեղծել։
Երբ Սալոմե Զուրաբիշվիլին շնորհավորում է բողոքի ակցիային մասնակցող աբխազ ընդդիմադիրների հաղթանակը, երբ Վրաստանի քաղաքացիներն ու Ուկրաինայի քաղաքացիները Տելեգրամ ալիքներով տարածում են իրենց շնորհավորանքները, կարելի է եզրակացություն անել և մտածել՝ ճի՞շտ ճանապարհի վրա ենք, թե՞ ոչ։ Միաժամանակ, մեր մեծ բարեկամ, Աբխազիայի ժողովրդի բարեկամ Կոնստանտին Զատուլինը, ով մեր նորագույն պատմության ընթացքում կանգնած է եղել մեզ հետ, հարց է տալիս՝ աբխազական պետությունը կայացե՞լ է, թե՞ ոչ»,- ասել է Բարցիցը։
Օկուպացված Աբխազիայում արդեն չորրորդ օրն է՝ շարունակվում են բողոքի ցույցերը։ Ընդդիմության ներկայացուցիչներն ու նրանց համախոհները, ովքեր նոյեմբերի 15-ին բողոքել են Ռուսաստանի հետ կնքված ներդրումային համաձայնագրի վավերացմանը դեմ, պահանջում են նաև այսպես կոչված դե ֆակտո նախագահ Ասլան Բժանիայի հրաժարականը։ Նրանք գրավել են Սոխումիի դե ֆակտո խորհրդարանի, նախագահի վարչակազմի և նախարարների կաբինետի շենքերը։ Իրադարձությունների ֆոնին Ասլան Բժանիան լքել է Սոխումին։ Նոյեմբերի 16-ին նա որպես իր հրաժարականի պայման է նշել «կառավարական շենքերի» ազատումը, ինչի հետ ցուցարարները համաձայն չեն։
