Օկուպացված Աբխազիայի դե ֆակտո նախագահ Ասլան Բժանիան Մոսկվա կատարած այցի ժամանակ առողջական խնդիր է ունեցել, ինչի պատճառով անհրաժեշտ է եղել բժշկական օգնություն։ Այս մասին հայտարարություն է տարածել այսպես կոչված նախագահի մամուլի ծառայությունը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Երկրի ղեկավարը Ռուսաստանի Դաշնության մայրաքաղաք կատարած աշխատանքային այցի ընթացքում, առողջական վիճակի վատթարացման պատճառով դիմել է բուժհաստատություն, որտեղ կատարվում են անհրաժեշտ հետազոտություններ։ Նախնական տվյալներով՝ նախագահի մոտ առկա է միզաքարային հիվանդության սրացում։ Նրա կյանքին վտանգ չի սպառնում»,- ասված է հաղորդագրությունում։
Հայտնի չէ, թե դե ֆակտո նախագահը երբ է մեկնել Մոսկվա և ինչ է ենթադրում նրա «աշխատանքային այցը»։
2019 թվականին, երբ Ասլան Բժանիան առաջադրվել էր որպես Աբխազիայի այսպես կոչված նախագահի թեկնածու, հայտնվել էր Մոսկվայի հիվանդանոցներից մեկում։ Նրա շրջապատի անդամները պնդում էին, որ Բժանիային թունավորել են, որպեսզի հետ պահեն նախընտրական ընտրավազքից։ 2020 թվականին Բժանիան կրկին հայտնվել է բժշկական հաստատությունում։ Մարտի 2-ին նրան անմիջապես տեղափոխել են Սոչիի հիվանդանոց, ապա արհեստական կոմայի մեջ գտնվելով ուղղաթիռով տեղափոխել Կրասնոդար։ Այս դեպքում էլ տեղեկություններ են տարածվել, որ նրան թունավորել են։
Ասլան Բժանիան 60 տարեկան է։
