Օկուպացված Աբխազիայի դե ֆակտո հանրապետության խորհրդարանից ետ են կանչել օրենքի նախագիծը, որով Օչամչիրեում, Տկվարչելիում և Գալիում 1 500 000 քմ տարածքի վրա նախատեսվում էր ապարտամենտներ կառուցել և վաճառել օտարերկրացիներին։ Բնակչությունը բողոքի ցույցեր է անցկացրել օրենքի դեմ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Նախագահի թեկնածու Միխեիլ Կավելաշվիլին բարձրագույն կրթություն չունի
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
Օրինագիծը ետ են կանչել այն նախաձեռնող պատգամավորները՝ Բեսլան Էմուրխբան, Ալմաս Ակաբան, Գերման Կաճարավան և Ռեզո Զանթարիան։ Դե ֆակտո խորհրդարանի հայտարարության մեջ նշվում է, որ այս որոշումն ընդունվել է լարվածությունը թոթափելու և «երկրում» կայունությունը պահպանելու նպատակով։
«Երկարատև խորհրդակցությունների և խորհրդարանական ակտիվ երկխոսության արդյունքում՝ հաշվի առնելով հասարակական կարծիքը, առաջին հերթին՝ ավագանու, աբխազ ժողովրդի Հայրենական պատերազմի հերոսների, գիտական հանրության, մտավորականության և այլ շահագրգիռ քաղաքացիների, լարվածությունը թոթափելու և կայունություն պահպանելու նպատակով, օրինագիծը նախաձեռնողները որոշում են կայացրել ներկայացված օրենքի նախագիծը հանել քննարկումից և դադարեցնել դրա վերաբերյալ հետագա օրենսդրական գործընթացը։
Պատգամավորները շնորհակալություն են հայտնում Աբխազիայի ժողովրդին ակտիվ քաղաքացիական դիրքորոշման համար և հիշեցնում նրանց մեր երկրում ներդաշնակության և կայունության պահպանման կարևորության մասին»,- ասված է հայտարարության մեջ։
Հուլիսի 17-ին բողոքի ակցիայի ֆոնին այսպես կոչված խորհրդարանի Տնտեսական քաղաքականության և բարեփոխումների հանձնաժողովը սատարել է «Օչամչիրեի, Տկվարչելիի և Գալիի շրջանների սոցիալ-տնտեսական զարգացման մակարդակի բարձրացման միջոցառումների մասին» օրենքի նախագծին: Կոմիտեի նիստին մասնակցել է այսպես կոչված նախագահ, օրենքի ընդունման ակտիվ աջակից Ասլան Բժանիան, ով խոսել է աշխատատեղերի ստեղծման, տնտեսության զարգացման անհրաժեշտության մասին։
Օրենքի ընդունմանն աջակցել է նաև այսպես կոչված Անվտանգության խորհրդի քարտուղար Սերգեյ Շամբան. «Այս ծրագրի համար ընտրված շրջանները, ինչպիսիք են Օչամչիրեն և Գալին, շատ գրավիչ են։ Ես լավ գիտեմ այս վայրերը։ Ղալիձգա և Օկում գետերից այն կողմ կան եզակի ավազաթմբային լողափեր, որոնք Գագրայում կամ Բիճվինթայում չեն: Մենք պարզապես պետք է դրանք ցույց տանք ներդրողներին: Այս նախագծին միջամտելու փորձը և Ռուսաստանի հետ հարաբերությունները փչացնելն անդառնալի հետևանքներ կունենա մեր պատմության և մեր ռազմավարական դաշնակցի հետ հարաբերությունների վրա»,- ասել է Շամբան։
Օրենքի հակառակորդներն ասում են, որ ապարտամենտների կառուցումը տնտեսապես «բացարձակապես ոչինչ» չի տա Աբխազիային, իսկ օրենքի ընդունման իրական նպատակը հողերի օտարումն է։
