Աբխազիայի Ի/Հ կառավարության նախագահ է նշանակվել «Երազանքի» պատգամավոր Լևան Մգալոբլիշվիլին

Մգալոբլիշվիլին Գերագույն խորհրդին է ներկայացրել նախարարների կաբինետի նորացված կազմը։ Նրա տեղակալը կլինի Անզոր Մարգիանին։ Դավիթ Փացացիան կլինի բռնի տեղահանվածների նախարարը, Դավիթ Մորգոշիան՝ կրթության և մշակույթի նախարարը, Լաշա Քարդավան՝ առողջապահության և սոցիալական պաշտպանության նախարարը, Լևան Թևզաիան՝ ֆինանսների և էկոնոմիկայի նախարարը, Գիորգի Ձիգուան՝ արդարադատության և քաղաքացիական հարցերով Աբխազիայի Ինքնավար Հանրապետության նախարարը։

Լևան Մգալոբլիշվիլին Վրաստանի 9-րդ և 10-րդ գումարման խորհրդարանի պատգամավոր է։ Նա առաջին անգամ պատգամավոր է դարձել 2019 թվականի հոկտեմբերին՝ «Վրացական երազանքի» կուսակցության ցուցակով, իսկ երկրորդ անգամ՝ 2021 թվականի հունվարին։ 2016 թվականից Մգալոբլիշվիլին իշխող կուսակցության Աբաշայի շրջանի գործադիր քարտուղարն է։

2003-2005 թվականներին, ինչպես նաև 2010-2013 թվականներին Լևան Մգալոբլիշվիլին աշխատել է Թբիլիսիի քաղաքապետարանում և սակրեբուլոյում։ 2005-2006 թվականներին ղեկավարել է Թբիլիսիի քաղաքապետարանին կից «Շուքնիշանի» ՍՊԸ-ն, իսկ 2008-2009 թվականներին աշխատանքի է անցել «Սամշոբլո» պետական ​​հրատարակչությունում։

Գույքի հայտարարագրի տվյալների համաձայն՝ Լևան Մգալոբլիշվիլին ծնվել է Սոխումիում։