Աբխազիայի դե ֆակտո հանրապետության, այսպես կոչված, նորընտիր նախագահ Բադրա Գյունբայի խոսքով՝ Աբխազիայի հանրապետության ինքնիշխանությունը կորցնելու ցանկացած սպառնալիք բացառվում է։
Լրահոս
Ընթերցողի ընտրանի
- 1 «Սոփլիս Նոբաթիի» կաթի մեջ առողջության համար վտանգավոր նյութ է հայտնաբերվել
- 2 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 3 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 4 Ի՞նչ է գրված օտարերկրյա դրամաշնորհների դեմ «Վրացական երազանք» կուսակցության օրինագծում
- 5 Կոբախիձեն առանց Ռուսաստանը հիշատակելու ապրիլի 9-ի պատասխանատվությունը վերագրում է «օտար ուժին»
- 6 «Վրացական երազանքը» պատրաստվում է արգելել առանց կառավարության համաձայնության օտարերկրյա դրամաշնորհներ ստանալը
«Մեր ինքնիշխանությանը վտանգ չկա և չի կարող լինել։ Աբխազիայի բնակչությունը որոշել է իր ապագան։ Ապագան, որը կայանում է պետության, անկախ պետության զարգացման մեջ։ Ռուսաստանը պաշտպանեց աբխազ ժողովրդի այս որոշումը։ Ուստի մենք հարգում ենք Ռուսաստանի կարծիքը», - ռուսական լրատվամիջոցներին տված հարցազրույցում ասել է Գյունբան, ով գտնվում է Մոսկվայում։
Բադրա Գյունբան նշել է, որ իր հանդիպումը ՌԴ նախագահի հետ ևս մեկ հաստատում է, որ Ռուսաստանը հարգում է Աբխազիայի «անկախությունը» և «ինքնիշխանությունը»։
«Ակնհայտ է, որ Ռուսաստանի Դաշնության հետ հարաբերությունները մեր երկրի համար արտաքին քաղաքական առաջնահերթություն են։ Ռուսաստանը հետևողականորեն աջակցում է մեզ մեր պետության կյանքի բոլոր ոլորտներում։ Դա ներառում է անվտանգության, սոցիալ-տնտեսական զարգացման և ենթակառուցվածքների բարելավման հարցեր»,- ասել է Գյունբան։
Վլադիմիր Պուտինը օկուպացված Աբխազիայի, այսպես կոչված, նախագահին մարտի 5-ին ընդունել է Կրեմլում և անձամբ շնորհավորել «ընտրություններում» տարած հաղթանակի կապակցությամբ։ Պուտինը Գյունբային խոստացել է շարունակել անձնագրավորման ծրագիրը Աբխազիայում։
Ռուսաստանի կողմից օկուպացված Աբխազիայում, այսպես կոչված, արտահերթ նախագահական ընտրությունների երկրորդ փուլն անցկացվել է մարտի 1-ին, որի արդյունքում հաղթող է ճանաչվել Բադրա Գյունբան, ով վայելում էր Կրեմլի աջակցությունը։
