Վարչապետ Իրակլի Կոբախիձեն Ալեքսանդր Ծուլաձեին նշանակել է Վրաստանի կրթության, գիտության և երիտասարդության նախարար։ Ծուլաձեն Գերագույն դատարանի նախկին դատավոր է։ 2023 թվականի դեկտեմբերից նա աշխատել է որպես կրթության նախարարի առաջին տեղակալ, իսկ այս տարվա օգոստոսից՝ Կրթության որակի զարգացման ազգային կենտրոնի տնօրեն։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Ուրախ եմ, որ նա այսօրվանից կշարունակի իր աշխատանքը որպես նախարար։ Պարոն Ալեքսանդրը շատ որակավորված, գիտուն, փորձառու անձնավորություն է, և, հետևաբար, անձամբ ես և թիմը համարում էինք, որ նա կլինի լավագույն թեկնածուն այս պաշտոնի համար»,- ասել է Կոբախիձեն այսօրվա ճեպազրույցում։
Նորանշանակ նախարարը հակիրճ մեկնաբանությամբ ասել է, որ շարունակելու է իր նախորդի սկսած բարեփոխումները։ «Կրթությունը ստեղծում է երկրի ապագան, և ես հավատում եմ, որ մեր նվիրումով, աշխատանքով ու պատասխանատվությամբ, ինչպես նաև ճիշտ քայլով մենք կկարողանանք ավելի լավ ապագա ապահովել Վրաստանի համար»,- ասել է Ծուլաձեն։
Հատկանշական է, որ հենց այն ժամանակ, երբ Կրթության որակի զարգացման ազգային կենտրոնը ղեկավարում էր Ալեքսանդր Ծուլաձեն, բարձրագույն ուսումնական հաստատությունների ավտորիզացիայի խորհուրդը որոշում կայացրեց կապված Իլիայի պետական համալսարանի հետ և բուհին տվեց այսպես կոչված պայմանական ավտորիզացիա։ Համալսարանի ղեկավարությունը համաձայն չէ որոշման հետ և մտադիր է բողոքարկել այն։
Կրթության, գիտության և երիտասարդության նախարարի պաշտոնը թափուր է մնացել օրեր առաջ Գիորգի Ամիլախվարիի հրաժարականից հետո։ Ինչպես պարզաբանել է Ամիլախվարին, նա վերադառնում է մասնավոր հատված և կշարունակի իր գործունեությունը բիզնեսում։ Գիորգի Ամիլախվարին նախարար էր նշանակվել 2023 թվականի մարտին, իսկ մինչ այդ խորհրդարանում եղել է «Վրացական երազանքի» պատգամավոր։
