Ամերիկայի Միացյալ Նահանգները պատրաստ է օգնել Քութայիսիի միջազգային օդանավակայանին՝ դառնալու գյուղատնտեսական արտադրանքի արտահանման հանգույց։ ԱՄՆ դեսպանության հայտարարության մեջ ասվում է, որ օդանավակայանը մեծ ներուժ ունի։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Հատկապես ուշագրավ է այն մեծ օգուտը, որ այն կբերի Արևմտյան Վրաստանի ֆերմերներին, եթե այն վերածվի գյուղատնտեսական արտադրանքի արտահանման հանգույցի։ ԱՄՆ-ն պատրաստ է օգնել Քութայիսիի օդանավակայանին այս ուղղությամբ»,- ասվում է դեսպանության այսօր տարածած հաղորդագրության մեջ։
Երեկ՝ հուլիսի 31-ին, դեսպան Քելի Դեգնանը եղել է Քութայիսիի միջազգային օդանավակայանում և բացել ամերիկյան Subway արագ սպասարկման ռեստորանը։ Դեսպանը նաև ուշադրություն է հրավիրել օդանավակայանի ներուժի վրա։
«Այս օդանավակայանն իսկապես դարձել է միջազգային կենտրոն, որը միլիոնավոր զբոսաշրջիկների է բերել Վրաստան՝ բացահայտելու այս գեղեցիկ երկիրը։ Ի վերջո, մենք հուսով ենք, որ Քութայիսիի օդանավակայանը կդառնա տրանսպորտային հանգույց գյուղատնտեսական ապրանքների համար, ինչպիսիք են հապալասը, ազնվամորին և այս տարածաշրջանում աճեցված այլ համեղ ապրանքներ», - ասաց Քելի Դեգնանը:
Ինչպես նշել է դեսպանը, ԱՄՆ դեսպանատունը և USAID-ը համագործակցել են Վրաստանի օդանավակայանների ասոցիացիայի հետ ոչ միայն Քութայիսիի օդանավակայանի աշխատակիցների որակավորումը բարձրացնելու, այլ նաև բրենդային շուկայավարման համար, «որ մարդիկ կարողանան Քութայիսիի միջազգային օդանավակայանի միջոցով ծանոթանալ ամբողջ Վրաստանին»։ Ըստ Քելի Դեգնանի, դեսպանատունը դիտարկում է նաև ընդլայնել աշխատանքները այնպիսի ոլորտներում, ինչպիսիք են ինքնաթիռների սպասարկումն ու վերանորոգումը:
