Amerika Birləşmiş Ştatları Kutaisi Beynəlxalq Hava Limanına kənd təsərrüfatı məhsullarının ixrac mərkəzinə çevrilməsinə kömək etməyə hazırdır. ABŞ səfirliyinin bəyanatında bildirilir ki, hava limanının böyük potensialı var.
Əsas xəbərlər
Oxucunun seçimi
“Onun kənd təsərrüfatı məhsullarının ixrac mərkəzinə çevriləcəyi təqdirdə Qərbi Gürcüstanın fermerlərinə verəcəyi böyük faydaları qeyd etmək lazımdır. ABŞ bu istiqamətdə Kutaisi hava limanına kömək etməyə hazırdır”, - Bu barədə səfirliyin bu gün yaydığı məlumatda deyilir.
Dünən, iyulun 31-də səfir Kelli Deqnan Kutaisi Beynəlxalq Hava Limanında olub və Amerikanın “Subway” sürətli xidmət restoranının açılışını edib. Səfir hava limanının potensialına da diqqət çəkib.
“Bu hava limanı həqiqətən də milyonlarla turisti bu gözəl ölkəni kəşf etmək üçün Gürcüstana gətirən beynəlxalq mərkəzə çevrilib. Nəhayət, ümid edirik ki, Kutaisi hava limanı bölgədə yetişdirilən qaragilə, moruq və digər dadlı məhsullar kimi kənd təsərrüfatı məhsullarının daşınma qovşağına çevriləcək”, - Kelli Deqnan bildirib.
Səfirin qeyd edir ki, “insanlar Kutaisi Beynəlxalq Hava Limanı haqqında məlumat əldə edə bilmələri və Kutaisi vasitəsilə bütün Gürcüstanı tanımaları üçün” ABŞ səfirliyi və USAID Gürcüstan Hava Limanları Assosiasiyası ilə Kutaisi hava limanında çalışan əməkdaşların ixtisaslarının artırılması ilə yanaşı, brend marketinqi üçün də əməkdaşlıq edib. Kelli Deqnanın sözlərinə görə, səfirlik həmçinin təyyarələrə texniki xidmət və təmir kimi sahələrdə əməliyyatları genişləndirməyi düşünür.
