ԱՄՆ Հելսինկյան հանձնաժողովի նախագահ, հանրապետական կոնգրեսական Ջո Ուիլսոնը հայտարարել է, որ «Վրացական երազանքի» պատվավոր նախագահ Բիձինա Իվանիշվիլին վերջինը չի լինի Ամերիկայի Միացյալ Նահանգների կողմից պատժամիջոցների ենթարկվածներից։
Լրահոս
Ընթերցողի ընտրանի
- 1 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 2 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 3 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
- 4 ՄԱՇ․ Գեներալներ Գոգավան և Կուրաշվիլին ռուսական հանձնաժողովին կներկայանան առանց կուսակցական պատկանելության
- 5 Կավելաշվիլին ետ է կանչել ռուսական օրենքը չեղարկելու վերաբերյալ Զուրաբիշվիլիի սահմանադրական հայցը
- 6 «Մեր հարևանները ստիպված կլինեն ընդունել իրականությունը». Աբխազիայի այսպես կոչված նոր նախագահը՝ Վրաստանի մասին
«Եթե դուք կոռումպացված «վրացական մղձավանջի» գնացքում եք, որը գնում է դեպի Չինաստան, Իրան և Ռուսաստան, ապա հիմա իջնելու ժամանակն է։ Իվանիշվիլին առաջինն էր, բայց վերջինը չի լինի։ Դեռ ժամանակ կա ձեզ փրկելու համար, բայց երբ հայտնվեք ցուցակում, դուք ընդմիշտ կմնաք դրանում: Ոչ գումար, ոչ ճանապարհորդություն»,- գրել է կոնգրեսականը հարթակ X-ում։
Ջո Ուիլսոնն ասել է, որ ԱՄՆ-ը պատժամիջոցներ կկիրառի և կվտարի իր տարածքից հանցագործների բոլոր հարազատներին։
«Ամերիկան պատժամիջոցներ կկիրառի և մեր ափերից կվտարի հանցագործների բոլոր հարազատներին (Իվանիշվիլի և ընկերություն), ովքեր հարձակվում են ազատության վրա։ Կոռումպացված երեխաներն ու զարմիկները չեն կարող վայելել կյանքը մեր մեծ երկրում, մինչդեռ նրանց հանցագործ հայրերն ու հորեղբայրները ստում են, սպանում և գողանում։ Մենք պետք է առաջին տեղում դնենք Ամերիկան»,- գրել է Ուիլսոնը։
Դեկտեմբերի 27-ին ԱՄՆ-ը ֆինանսական պատժամիջոցներ է սահմանել «Վրացական երազանքի» հիմնադիր և պատվավոր նախագահ Բիձինա Իվանիշվիլիի նկատմամբ՝ «Վրաստանի ժողովրդավարական և եվրաատլանտյան ապագան հօգուտ Ռուսաստանի Դաշնությանը խաթարելու համար»։ Գանձապետարանի օտարերկրյա ակտիվների վերահսկման գրասենյակը (OFAC) Իվանիշվիլիին ավելացրել է հատուկ պատժամիջոցների ենթարկված քաղաքացիների և արգելափակված անձանց ցուցակում (SDN ցուցակ):
Ինքը՝ միլիարդատեր Բիձինա Իվանիշվիլին, չի արձագանքել ամերիկյան պատժամիջոցներին, մինչդեռ ոչ լեգիտիմ վարչապետ Իրակլի Կոբախիձեն ասել է, որ «սա պարգև է մեր երկրի ազգային շահերը պաշտպանելու համար»։
