Միացյալ Նահանգների Պետդեպարտամենտը հայտարարել է, որ վիզային սահմանափակումներ է մտցրել Վրաստանի ավելի քան 60 քաղաքացիների և նրանց ընտանիքների անդամների նկատմամբ, ովքեր պատասխանատու են կամ մասնակից են Վրաստանում ժողովրդավարության խաթարմանը։ Պատժամիջոցների ենթարկվածների անուններն ու ազգանունները չեն նշվում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Այդ անձանց թվում կան կառավարության և մունիցիպալ մակարդակի բարձրաստիճան պաշտոնյաներ, ովքեր չարաշահել են իրենց լիազորությունները՝ սահմանափակելու վրաց ժողովրդի հիմնարար ազատությունները, բիզնես առաջնորդներ, ովքեր ներգրավված են եղել կոռուպցիոն պրակտիկայի մեջ, ապատեղեկատվություն տարածող և բռնի ծայրահեղականություն քարոզող անհատներ, իրավապահ պաշտոնյաներ, ովքեր մասնակցել են ցուցարարներին ծեծի ենթարկելուն և խորհրդարանի անդամներ, ովքեր առանցքային դեր են խաղացել ոչ ժողովրդավարական օրենսդրության ընդունման և քաղաքացիական հասարակության սահմանափակման գործում»,- ասվում է Պետդեպարտամենտի հայտարարության մեջ։
Պետքարտուղարությունը շարունակում է մտահոգված լինել Վրաստանում մարդու իրավունքների խախտումներով և հակաժողովրդավարական գործողություններով և շարունակում է դիտարկել լրացուցիչ պատասխան միջոցներ։
«Միացյալ Նահանգները միանշանակորեն սատարում է Վրաստանի քաղաքացիների՝ հավաքներ կազմակերպելու, խոսելու և խաղաղ բողոքի ցույցեր անելու իրավունքը՝ առանց բռնության, ահաբեկման կամ ճնշումների վախի», - նշել են դեպարտամենտից։
Այն բանից հետո, երբ «Վրացական երազանքի» իշխանությունը, չնայած գործընկերների քննադատություններին ու բազմահազարանոց բողոքի ցույցերին, ընդունեց այսպես կոչված «օտարերկրյա գործակալների» մասին ռուսական օրենքը, ԱՄՆ-ը սկսեց երկկողմ համագործակցության համապարփակ վերանայումը։ Հունիսի սկզբին վիզային պատժամիջոցներ են սահմանվել մոտ 30 անձի՝ «Վրացական երազանքի» անդամների, պատգամավորների, իրավապահ մարմինների աշխատակիցների և առանձին անձանց նկատմամբ։
